النيره النقشات فى كثير وشغلهم روعه عندك نبيله ,وام بكر هذا انا حاجزه عندها ليوم الحنه,وفى ام نبراس

اخترى اى واحده تبغياها وانا ارسل لك الرقم على الخاص


ام معن العفو
اذا تبغى محلات ملابس سهرات فى مجمع الدخيل بلازا

وعندك لمسات فساتين سهرات خيال فى سوق المدينه الدولى وهذا كلها فى شارع سلطانه


ام بالنسبه لمشغل فرحه راح ارسل لك الرقم على الخاص واسايلهم عن مكانهم بالضبط لانى والله ماعرف اشرح واخاف اوصفلك واضيعك هى فى شارع سلطانه خلف كنتاكى
وانتى اتصلى واتاكدى

أهلين يا بنات أتمنى تكونوا بأتم الصحة و العافية..
أنا باقي لزواجي أسبوع بالضبط و أحب أقولكم تجربتي مع الأماكن الي مريت عليها أثناء
فترة تجهيزي .. و الرأي يعود لكم في وقت زيارتها ..

1- بالنسبة للكوفيرات(( شعر )) .. جاردينيا في النسيم..لمسات..دنيتي.. و على فكرة أكثر المشاغل تسوي التسريحة الي إنتي تطلبيها يعني التسريحة ما عليها خوف زي المكياج .. خذوها عن تجربة و لا تخاوفوا :)

2- الكوفيرات أيضاً و لكن (( مكياج )) .. عندك جاردينا و بالأخص بدرية في المكياج الناعم و المميز و ليلى في مكياج صارخ و عرايس .. و عندك كمان "رانيا" مكياجها له طابع خاص و الان فتحت محل لها في الحزام اسمه "دنيتي".. و كمان في وحدة تونيسية اسمها " سيدة " أخلاقهاعالية جداااااااً و مكياجها ناعم أنا جبتها يوم ملكتي .. :33:

3- بالنسبة لمحلات الكوشة .. في قارة الزهور في قباء النازل .. حلو جداً بس أسعاره غالية شويتين .. بس أنصح الي تبغى مسكتها يوم زواجها تطلع مضبوطة زي الكتلوج تسوي عنده لأنه يضبطها تمامااااااااااً .. و في محل اسمه تهانينا وراء السوق الدولي بجانب مكتبة الحلبي
أسعاره معقولة جداً و يسوي لك تصميم على ورق بعدين ينفذه نفس الصورة .. و في أشياء للذكرى في قربان بجانب مطعم الطازج .. و كمان حفلتي و مون شادو في شارع سلطانة .. :26:

4- بالنسبة للخياطات .. عندك البدوية في الحزام كانت أسعارها غالية بس الأن مع كثرة المشاغل سارت أسعارها أقل شوي بس لا تزال غالية .. و عندك كمان مشغل بيت الجمال على طريق شيرتون المدينة خياطته حلوة جداً و راكزة و كمان أسعاره حلوة حتى عندهم خياطة فلبينية اسمها مريم كانت تشتغل في مشغل دار نور في الرياض خياطتها رائعة جدا و راقية..
و مشغل الإبداع أيضاً حلو للعرايس أكثر من المناسبات الأخرى ..:24:

5- بالنسبة لإزالة الشعر بالشمع عندك مشغلين فقط ما تطلع لك أي أثار جانبية بعد الشيل بالشمع الي هما : مشغل الخيال في النسيم و الكوفيرة اسمها فتيحة .. و مشغل بيت الجمال في اخصائية بشرة اسمها عايدة فلبينية جدااااااا رائعة تسوي مساج رائع في نفس وقت الشيل..

6- الفساتين الجاهزة في محل واحد لا تتكرر فساتينه في كل المدينة و يجيب من كل قطعة ثلاثة فقط موجود في الدخيل بلازا اسمه AMH كولكشن .. حلو جداً و أسعاره متفاوتة ..:40:

7- المصورات عندك ضاوية, لمسات,جاردينا و لكن لا تقبلي غير بوحدة لبنانية إسمها " سلام " غيرها لا تقبلي ..

أتمنى أكون أفدتكم و إذا تبغوا أي مساعدة أنا حاضرة يمكن تكون عندي خلفية و الله يوفق الجميع يا حبيباتي :39: ..

مشكوره بنت نجد على المعلومات المفيده
والف الف مبروك على الزواج:27:

مشكورة أختي بنت المدينة وياليت ترسلين أرقامهن ,بالإضافة لمشغل فرحه إذا ما عليك كلافه0

ممكن بنت نجد ترسلين رقم مشغل الخيال ,وبيت الجمال والمصورةضاوية

ومبروك الزواج0:26: :26: :26:

بصراحه يابنات انامن سنين اخيط عند البدويه وكانت رائعه لكن خياطتهاالان مع الاسف سيئه !!!!!!!!!!!!!!!!!!!!!!!!!وما انسى فستانى فى فرح اختى كان سيئ وقلت معليش يابنت هذى غلطه الشاطر ,,,,,,,,,,,,لكن اتكرر نفس الشئ فى الفستان الى بعده ,,لدرجه وحده قالت لما شافت الفستان احسبه خياطه هندى ,,,اه من القهر مع انه القماش كان غالى جدا,,,,,,,,,,,,,,,,,,,,,,,واتمنى احد الان يدللنى على خياطه مميزه.............ولكم كل التقدير والاحترام.