دليل لإستراحات جدة المجربة

أخواتي
خلي هذا ملف للإستراحات المجربة بجددة ينفع للي تبحث عن إستراحة مجربة بجدة
خلوني أبدأ
جربت إستراحة الجزيرة بشمال جدة أمام دوار الرضعة وقدامها إستراحة الريفييرا فيها مجلس كبير كله كنب وحديقة كبيرة مرة ومجموعة حمامات وبجانبها المطبخ وفيها مسبح وكمان قسم آخر للرجال وفيها كمان صالة صغيرة للمناسبات حاطين فيها طاولات تنفع للمناسبات الصغيرة مستواها جيد جدا
وجربت كمان إستراحة الدلفين بأبحر الشمالية أمام شاليهات الكناري فيها صالة وسفرة ومطبخ وكمان غرفة نوم بحمام ودور علوي غرفتين نوم واحدة بداخلها حمام والثانية بالخارج حمام وصالة كبيرة ويوجد سطح به حمام وفي الحديقة مسبح ومجلس للرجال وحمام
الصراحة مستواها ممتاز بس عيبها الدرج اللي يطلع للدور العلوي صاير من الحوش مو من وسط الفيلا ليش مدري؟
والباقي كله ممتاز
وفيه إستراحة شرق الخط السريع جهة السامر كبيرة جدا وفيها مزرعة بس قذرة جدا نسيت إسمها
وهذي تجربتي يللا شدوا همتكم معايا