دمج المرسلات

رفع

أنا ما أدري هل عندك خلفيه أو تبين شرح كامل لها ..

على العموم بعطيك شرح لقيته جاهز بس هو على 2003 وتقريبا نفس 2007 باختلاف بسيط اللي هو وين وموجود فيه دمج المراسلات



إبدأي من هنا ومن بعده اطلعي على الرابط فيه شرح وافي

http://www.ghyoom.com/ib/index.php?showtopic=75907

لكن في الرابط ماشرح لك شغله وهو كيف تربطين بين مستندين وورد يعني واحد يكون هو الجدول اللي فيه المستلمين والثاني هو اللي فيه النص ..

الشرح في الرابط مخليك تكتبين المستلمين يدوي لكن لو أسماء المستلمين موجوده عندك في ملف وورد لا تختارين خيار كتابة قائمة جديده (للمستلمين) اختاري خيار استخدام قائمة موجوده وبعدين حددي وين ملفك الوورد اللي فيه المستلمين عشان يحدده لك ويخليه مرجع للمستلمين

وهذا شرح آخر

http://www.abd-ta.com/Courses/MSWord2003/mergletters.htm

حبيبتي والله احتاج الشرح كامل لأن ماعندي خلفية عنة لو تكرمتي تشرحيين حتي لو كلام بلا صور

شوفي ياعمري الشرح مررررررررره واضح ..خصوصا أول راابط حطيته بس الخلل في أول رابط نقظة المستلمين مسويها يدوي على إنه تقدرين تخلين لك ملف وورد فيه جدول يكون مرجع لك يعني تربطين بين ملفين فهمتي علي !!

_________________________

بشرح لك شوي المفهوم وارجعي لأول رابط لأنه شرحه مررره وافي بس يمكن ماتعرفين أنتي بالأساس وش هو دمج المراسلات فعشان كذا تحسينك متلخبطه

دمج المراسلات :

المقصود فيه إنه مثلا عندك نص معين وراح تطبعينه لعدة أشخاص ..وعشان ماتكتبينه كل شوي وتتعبين دمج المراسلات وظيفته إنك تكتبين النص اللي راح تستخدمينه لهالأشخاص لكن من دون ماتكتبين الأشياء اللي بتتغير ..


مثل شهادات الشكر والتقدير مو نجي نشريها جاهزه لكن فاضي مكان الاسم والتقدير .. هذا نفس الشي تكتبين نص عادي لكن ماتحطين بيانات خاصه بالشخص لأن وظيفة دمج المراسلات إنه هو يعبي لك هالخانات بس مطلوب منك تسوين شغلتين ..

الأولى تكتبين النص العام اللي يشترك فيه مجموعة من الأشخاص ..مثل شهادة تقدير
الشغله الثانيه تسوين إما ملف وورد وتسوين فيه جدول وتكتبين فيه اسم الشخص مثلا وقدامه تقدير ومثلا النسبه عشان يكون لك مرجع في تعبئة البيانات أو تسوينها يدوي لما تشغلين دمج المراسلات وتوصلين لم نقطة تحديد المستلمين..


______

جربي تسوينها لأن ماراح تفهين شي من دون تطبيق ..

صلحي نموذج شهادات شكر وتقدير ..
وبعدين شغلي دمج المراسلات واطلعي على أول رابط وتابعي معه نفس الخطوات ..

الموضوع بسيط لأنه متسلسل ..

ولو فيه أي نقطه استشكلت عليك قولي هذا ماضبط معي وأنا بقول لك ليش لو كنت أعرف وين الخلل ..

ودي أشرح لك بس والله أول راابط مره واافي شرح لك كل مرحلة بالصور يعني ماعندي شي جديد أقوله لك ..

تسلميين الله يسعدك يارب ماقصرتي