دمرت نفسي بالصبر

خواتي طلبتكم اسمعوا قصتي و ادعولي الله يفرجها
انا متزوجه من ١٩ سنةً و عندي عيال بس ندمانة إني صبرت كل هالسنين خوف من كلام الناس و الأهل و خوف إني انحرم من عيالي لانه ريلي وافد و كان يهددني انه بيسفر العيال و يحرمني صبرت على أقصى درجات الذل و الاهانه او الطرد من البيت و أتم واقفه برع البيت لين يتعدل مزاجه و يرضى يدخلني البيت و فوق هذا كتمت معاناتي و صبرت عل الله يهديه كنت اشوف احترامه للحريم برع و إهانته لي مرضت تساقط شعري أسلوبه مع العيال وحشي يضربهم على اتفه الأسباب و يسبهم و يطرهم برع البيت حسب مزاجه و دوم يقول اللي مو عاجبه يطلع من بيته
اصرف عالبيت و اشتري كل التزاماتي و العيال بنفسي و مو مقصره على العيال و اطبخ و انظف و اغسل ما عندي حد يساعدني في البيت ... بنتي حاولت الانتحار و يتمنون موته البيت كئيب يوم يكون فيه .. طارد ولدي من سنه تقريبا من البيت و رمى ثيابه برع البيت...
قلبي انفطر و ندمانه لأني صبرت ظلمت عيالي بالصبر صارت عندهم مشاكل نفسيه ...
كل يوم احس بالجرح يزيد طلبت الطلاق بالمحكمة كملت الحين عشر شهور و هو رافض يطلق و ما صار شي
تعبت نفسيا احس خلاص بموت من التفكير و قلبي يعورني
كل يوم اصلي قيام الليل لله يفرج همي و ما عندي اخت و لا صديقة و لا اي شخص اقدر أكلمه غيركم
طلبتكم دعوة لاختكم و سامحوني عالاطالة