دمروا حياتي

ياقلبي انت في بنات كثير يعيشون مع أمهات بالاسم فقط
ومع هذا طلعو أنفسهم
ادخلي الاستقرام والسناب شات تلاقين طبخات مضبوطة وسهله ويعلمونك الترتيب والتنسيق والتنظيف وفي دورات كثيرة عن الثقة بالنفس
لا تلقى اللوم على امك او زوجة ابوك انت اعتمدى على نفسك مافي انسان ولد وهو عالم أو مبدع
ممكن تفشلين مره ومرتين بس بالنهاية راح تنجحى

الطبخ مو مهم بالحياه امي كانت تعلمنا وانا مافلحت فيه ابد وخواتي بعضهم طبخات ، قولي الحمدلله ان موضوعك طبخ ، عالعموم الطبخ ممارسه جربي وتضبط معك

ياقلبي شوفي حبيبتي لاتنتظرين من احد يعلمك او يطورك
انتي علمي نفسك وانتي طوري نفسك مهوب لازم احد يعلمك
عندك النت مليان اشكال والوان من كل شي من طبخ من لبس من مكياج من تنسيق سفره
ترتيب كل شي موجود ولايعوق احد الحين انه مايتعلم
حتى اللي مايعرف ماله عذر لان الحين كل شي موجود ومتوفر ظغطة زر وتتعلمين كل شي
انا اكبر منك ووحيدة امي اقسم لك بالله ماعلمتني ولا شي تزوجت وانا ما اعرف اسوي شي
ولاكان في جوالات ولا نت ولا شي مثل الحين
لكن كنت صغيره بس ذكيه اي شي يعجبني عند احد اسأل عنه وعن طريقته واحفظه عندي في دفتر
واطبقة وابشرك اذا طبقته ظبطته احسن من اللي شفته عند الناس
لين تعلمت كل شي كل شي يخطر في بالك وابدعت
والكل يثني علي وعلى طبخي وترتيبي
وانا يوم اتزوج ما اعرف شي
بس كانت عندي اراده
انتي ياقلبي مهوب لازم احد يعلمك اعتمدي على نفسك وترا محد نافعك غير نفسك طوري نفسك واهتمي بكل تفاصيل حياتك ولا تحبطين نفسك اي شي تسوينه ولا ظبط خلاص مهوب آخر الدنيا سويه ثانيه وثالثه ورابعه لين يظبط
ابن آدم ماطلع من بطن امه متعلم على شوي شوي وانا امك
الله يوفقك حبيبتي ويسهل امرك

انا بنات خالي امهم تطلقت من خالي لما كانوا صغار
تعالي ذحين شوفيهم ماشاء الله طبخهم يجنن ويعرفوا كل انواع الحلا
والمكياج كل وحدها تعرف ماشاء الله
واهم الي علموا نفسهم بنفسهم مااحد علمهم ولااحتاجوا مرة ابوهم
يعنى انتى ساعدي نفسك علمي نفسك والله ماحد نافع احد
حتى في بنات عند امهاتهم ولا يعرفوا يطبخوا حتى تنظيف البيت مايعرفوا

تعلمي ي حبيبتي
شوفي ي كثر الحسابات وم فيه مشكله تخرب الطبخه عيدي الكره واطبخي من جديد حتى تضبط لك
الملح اضيفي شوي شوي حتى توصلييين للمذاق اللي يعجبك
مو كل البنات وامهم معاهم يضبطون الطبخ
انا بنتين عندي وحده ماشاءالله تضبط الطبخ تحب تتعلم
والثانيه لا مرات يضبط ومرات لا على حسب المود عندها متى م تبغى تجتهد ومتى تكسل تطنش لكن مبدعه بالتنظيف والترتيب 👍🏻


فلازم انتي اللي تتعلميين وتتعبين حتى توصلييين لهدفك
التعلم بالممارسه
م فيه وحده ابدا تضبط الطبخه من اول مره لابد من الممارسه
وبعدها نقدر نقول فنانه 👍🏻
والله يحقق لك مبتغاك ي بطله
يكفي عندك الهدف فقط تحتاجييين التصويب فأضبطي الرميه
ايام وتقوليين صرت ماهره بالطبخ
الله يرزقك من حيث لاتحتسبين
وخليك قويه بإيمانك وعزيمتك لاتهتز