دمر حياتي

السلام عليكم ورحمة الله وبركاته

اخواتي انا متابعه لكم بصمت
وتعجبني حلولكن
ما أتيت الا وقد ضاقت بي الدروب
وتكالبت علي الهموم
الحمدلله كلي يقين أن بعد الضيق فرج
وبعد الحزن سيأتي الفرح
وكم من المنح التي يهبها لنا المولى بعد تعرضنا للمحن
الحمدلله الحمدلله دائما وأبدا
قصتي أليمة
وطويلة سأختصرها
طبعا أنا مطلقه منذ سنة تقريبا

طلااااقي ظلم ظلم
عندي ولدين
الكبير يدرس والصغير لم يكمل العامين بعد
يعني مايعرف مين ابوه
حسبي الله ونعم الوكيل

كنت نعم الزوجة
ونعم الرفيقة
ونعم الأم
وبشهادة الجميع أولهم أهله
بداية حياتي كأي متزوجين نوعا ما مستقرة
لايوجد مشاكل
كنت صبورة تعرضت لظروف قوية معه وتحملت
وساندته وساعدته
وكنت صندوق لأسراره
وأي مشكلة تحدث بيني وبينه تكون في حدود منزلي
لا أحد يعلمها
ربما هذا الذي جعله يتجاوز حدوده
انجبت طفلي الاول بعد سنه من زواجي
ومازالت الأمور جيدة
لاحظت عليه كثيرا اهتمامه بجواله
ووضعه لرمز سري
ولم أتطفل أبدا ولم أسأله
كنت اعطيه كامل ثقتي
وكنت أتمنى أن يستحقها
ولاحظت عليه كثرة جلوسه بالجوال ومكالماته التي تطول لساعات
وعندما أسأله يقول خويي فلان عنده مشكله ويبيني اساعده!!!!!!
هنا لازم أصدقه ماعندي دليل يدينه
ولكن داخلي يقول يخووووون

وسكت وقمت بواجباتي ولاتغيرت عليه

تمادى في السفريات اللي مالها سنع
وكان دائما يبيني اتوظف
طبعا هو شخصيته بخيل نوعا ما وطمااااااع
ويتمنى أكد عليه وعلى البيت

ودايما يردد علي أن فلان زوجته مدرسه وشاريه له سياره
او معطيته البطاقه !!!!!!
يكفي أني ما اخذ منه مصروف وهذا برضو غباء مني
كنت مابي اثقل عليه اقول يصرف على البيت وجزاه الله ألف خير

شوي شوي قام يقول كلام مااااصخ
بعد ولادتي بأبني الثاني
قال بصارحك أنا مابيك وترا كنت اجاملك!!!!!!!!
كنت نفااااس وعند أهلي
وبدال مايقدم لي هديه يهديني كلام مثل السم
استرجعت حياتي معه
كان مرتاااااح ومبسوووط
بس فيه شي خلاه يقول هالكلام

وقلت له انت وراك شي
قال ابد ولا شي
بس ابي اعلمك اني صابر عليك ومضحي كثير

سبحااااان الله طلع هو اللي صااابر !!!؟؟؟

انصدددددمت وسكت وزعلت منه


وكلامه جرح ماراح انساه


عديتها ومشت الأمور بعد أربع شهور
رجع عاد الاسطوانه انا ما ارتحت ابد
وانتي مقصره
وصبرت كثير
قلت وش مقصره فيه قال مثلا صح انك تجهزين حمامي ومريحتني
بس ماتسوين هالشي كل يوم
صح تنظفين رجولي وتليفيني بس ليه موب كل يوم

شكيت في عقليته
قال الزبده خلاص مااقدر استمر معك

وبوديك لأهلك
انا عصبت وانقهررررت قلت اوكيه ودني
كنت انتظره يقول امزح
يقول اجلسي احبك

وداني طبعا بيت اهلي بمدينه ثانيه تبعد7 ساعات
ومبسوووط انه بيفتك
فكرت بنفسي وش لقيت منه
وليه اهين نفسي زياده

كان يغني في الطريق ومروووووق
وأنا ابكي على حالي وعلى عيالي

كيف يتنكر لعشرة 8 سنوات
حطني عند باباهلي وقالي انتي طااااالق


يالله صدى الكلمة الى الحين بأذني


اللهم اجرني في مصيبتي واخلف لي خيرا منها


طبعا انصدمو اهلي واهله
حاولو يصلحون وكنت اضحك عليهم
اقول الرجال فيهشي كاااارهني بدون سبب
كان مايبي اي محاوله
ما فكر في عياله

ولدي الكبير متأثر
حاول ابوي اني ارميهم عليه مااااااقدرت
مابي اظلمهم

يكفي هو استغنى

بعد اسبوعين بالضبط من طلاقي كانت ملكته !!!!!
وعلى وحده مدرسه

فهمت المسرحيه اللي سواااااها
جد كنت على نياااااتي

ثاني يوم وداني لاهلي جهز بيتي لها

حسبي الله ونعم الوكيل

بعد شهر من طلاقي نزل اسمي في الخدمة المدنية
يالله الوظيفة اللي انتظرها جات

سبحااان الله مانساني في ضيقي وحزني

ما أعظمك ياااارب

كان خبر وظيفتي صاعقة بالنسبه لطليقي

الحين ولدي الكبير متعلق بأبووه كثير

والأبو ولا فكر فيه
ابيه يهتم فيه
بس للأسف

فكرت اطلع جوال لولدي يتواصل مع ابوه بس ترددت
اعرف تفكيره وقذارته

خواتي ابيكم تساعدوني
كيف اخلي الابو يتواصل مع ولدي

ولاتنسوني من دعواتكم
اعذروني كلامي مخربط