أول شئ السلام عليكم من زمان عنكم
بس الظروف جت كذا
بنات تخيلوا نفسكم مكاني ما أبي منكم شئ
الا دعوه بظهر الغيب والا بالسجود
بالنسبة لكم مو كثير بس بالنسبة لي
تسوى الدنيا وما فيها
تخيلوا صار له سنه اللحين وهو حاضر وغايب
أسبوع معي وأسابيع مغيب عن الدنيا واللي فيها
الحمدلله على كل حال
تخيلوا أنه كان يهز المدينة كلها بكلمة منه واللحين له سنه ما قال حرف
الحمدلله على كل حال
تخيلوا أنه الرجال يفزون له إذا مر بالشارع ويسلمون عليه بكل محل لدرجة نتأخر عن مشاويرنا لها السبب
واللحين له سنه ما طل عليه أحد غيرنا حنا
الحمدلله على كل حال
تخيلوا أنه عمره ما مد يده على أحد الا بالحق واللحين
له سنه ما مد يده خير شر
الحمدلله على كل حال
تخيلوا أنه كل يوم ينشد عني ويتفقدني بحضوري وغيابي
واللحين له سنه ما يدري عني شئ
الحمدلله على كل حال
تخيلوا كان يقول القصايد ويأمر وينهى واللحين له سنه لابغى شئ يبكي زي الطفل ما يقدر ينطق
الحمدلله على كل حال
تخيلوا كان يروح المسجد ويروح يوجب الناس ويحضر مناسباتهم بكل محل وكل ديره اللحين له سنه وهو مشلول مايرفع للشهادة أصباعه
تخيلوا أني أكتب لكم هالكلمات وأنا حس أنكم مثل خواتي
أبي أفضفض لكم ما أبي منكم شئ الا دعوه مراح تأخذ من وقتكم 5 ثواني
الحمدلله على كل حال
تخيلوا لي سنه وأنا أقول ليته أنا ولا أنت ولكن لا راد لقضاء الله
الحمدلله على كل حال
يابوي لاتجزع عسى الرب يشفيك * لجلك لذيذ النوم حارب عيوني
واجب علي يابوي بالروح افديـــك * ودي اسدد من وفاكــم ديوني
عمر السعادة عشتها بين اياديــــك * عودتني عطفــك بقلب جنونــي
خذ عمري الباقي أو أنا أقول لبيك * لكن قدر مكتوب دونك ودونــــي
الله عليم الحال عيـــني تراعيـــك * حزني عليك اليوم زود شـجـوني
والله والله أن دمعته لا نزلت تحرق قلبي من جوى
يارب أشفيه يارب
أهات حجازية @ahat_hgazy
محررة برونزية
يلزم عليك تسجيل الدخول أولًا لكتابة تعليق.
اخت دحومي
•
الله يشفيه يااااااارب ويسعدكم بقومته لكم بخير وسلامه يااارب اسال الله العظيم ان يشفيه شفا لايغادر سقما اللهم امين يااااارب ياااااوخيتي ربي يفرحكم بشفاااااائه اللهم امين ياااارب والله يستجيب لكم ولنا يااااارب
ياعمري عليك
الله يطووول في اعمااره ويخليه لكم ذخر،،ويشفيه ويعااااافيه
وجوده بالدنيا لكم
يكفيكم شوفته هو الخير والبركه
الله لايحركم عليه ويطول في عمره
والله محد يعرف قيمة الام والابو والاهل بشكل عام الا اذا فقدهم
هذا انا فقدت امي وابوي لهم اكثر من 10 سنين واحس اني ضايعه
اول لجاء عيد جهزت شنطتي وطايررره لبيت اهلي
والحين ماعندي بيت اهل
بيتي هو بيت اهلي
يجي العيد ويروح مافرح بجيته
اسفة اختي شطحت شوي
الله يطووول في اعمااره ويخليه لكم ذخر،،ويشفيه ويعااااافيه
وجوده بالدنيا لكم
يكفيكم شوفته هو الخير والبركه
الله لايحركم عليه ويطول في عمره
والله محد يعرف قيمة الام والابو والاهل بشكل عام الا اذا فقدهم
هذا انا فقدت امي وابوي لهم اكثر من 10 سنين واحس اني ضايعه
اول لجاء عيد جهزت شنطتي وطايررره لبيت اهلي
والحين ماعندي بيت اهل
بيتي هو بيت اهلي
يجي العيد ويروح مافرح بجيته
اسفة اختي شطحت شوي
الله يشفيه ويقومه بالسلامه
ياقدييير يامن امرك بين الكافي والنون
اشفي ابيها شفاءا لايغادر سقما
انك على كل شيئ قدير
يارررب تفرح قلوبكم بمعاافااته
ياقدييير يامن امرك بين الكافي والنون
اشفي ابيها شفاءا لايغادر سقما
انك على كل شيئ قدير
يارررب تفرح قلوبكم بمعاافااته
الصفحة الأخيرة