الله وانا مثلك اختي سباقيتي ويمكن العن
حتى اذا كنت فرحانة
وحتى لما انفعل او اتكلم عن موضوع متحمسة ليه
حتى لما اكلم زوجي عن موقف حلو لواحد من اولادنا تمتلي عيوني بالدموع
اما عاد لواتكلم عن حقوقي او لو احد تعدا علي انفجر
المهم :::::::::
شكيت هالحالة لوحدة من صديقاتي تدرين ايش ردت علي ؟؟!!
قالت لي يا هديل احمد ي ربك !!
هذ من فضل ربي عليك جعلك انسانة حساسة تتاثرين وتحسين بغيرك
مو قاسية ماترحمين
طبعاانا فرحت بتحليلة وهانت على حالتي
برغم انها في احيان كثيرة تسبب لي الحرج الشعور بالضعف خاصة قدام الغير
بس الحمد لله على كل حال

ياما وياما صحت في الدوام لما يخترب الشغل من تحت يدي او لما مديري يقط كلمه منّي ولا منّاك

صحت لما أخوي زف ولده الصغير لأول مره وشفت الطفل يبكي

أصيح لما أشوف أفلام هنديه

صحت لما مره طليت على بيت الجيران من فوق ولقيتهم يذبحون خروف

صحت يوم تخرجت من الجامعه <<<< مفروض امي هي اللي تصيح لي مثل دعاية نيدو

يعني انا معاج، هي تضايق وايد .. خصوصا لما أصيح في الشغل جدام مديري... انواع الفشيله .. أحسه ما ياخذني أو ياخذ شغلي بجديه بعد ما أذرف هالدموع مع اني في الدوام وايد متحفظه على مشاعري وجديه..

بس احنا في النهايه بنات...... الرقه والمشاعر والحنيّه والحساسيه الزايده من فطرتنا...
أنا ما أقول انه شي حلو ان الوحده على أقل شي تذرف دموعها، بس هذي طبيعتنا وصعب نغيرها...
ممكن نتصنع الابتسامه، ممكن نتصنع الفرحه والرضا، بس صعب ان نمنع هالدموع انها تنزل

فنصيحتي لج، ابكي دام فيج دموع، لأن في ناس يتمنون انهم يبكون عشان يرتاحون

وعلى طاري الدموع في شي حلو قريته وودي تشاركوني فيه <<< كاني طولت السالفه؟؟؟
أدري انك ما تبكين على رجال، ولكن هالمقوله الحلوه بمناسبة الدموع:

No man is worth ur tears, but when u meet the man who is..he won't make u cry

لا يوجد رجل يستاهل دموعك، ولكنك حين تلتقين بالشخص اللي يستاهل دموعك، فانه لن يجعلك تبكين

خليها على ربك بس آآآآآآآآآآآآآآآآآآآه من الدموع اللي من كثرها هانت على الناس

بصراحة واسيتوني احسب بس انا اللي دمعتي قريبة على قولت امي الله يذكرها بالخير بس مادامكم كلكم تشتكون من نفس الحالة فعادي اذا كل النساء حساسات ودمعاتهم ياربي لك الحمد
انا والله قبل ما اتزوج كنت بالشهور ما تطلع مني الدمعة لدرجة كنت ادور على شي يبكيني وما احصل بس تزوجت طلعت الدموع اللي جمعتهم كل ذيك السنوات في سنة وحده بس هالسنة خفيت والله كثير ..
يعني في تحسن انشاء الله.

بس هذي مشكلة انا مثلك اختي لما اتكلم عن اي شي يخصني تسبقني دمعتي واحس بالضعف لذا صرت دائما ساكتة واكتم مشاعري واحس اني اختنق الله يكون بالعون واذا لقيتي حل لا تنسيني