عواطف تركي . :

انا ماقلت نصير جماد ما نحس ولا نحزن ولا قلت الفراق سهل بالاخص فراق الموت اعرف انه صعب ومؤلم وثقيل على النفس ويحط الانسان في حالة صدمه قويه واللي مرو بتجربة موت عزيز يعرفون الثقل النفسي والتغيير اللي يحصل بالحياه بعده شي مو سهل لكن انا شخصياً ما اشوفه اتزان واعتدال وعقل انني افتح موضوع ادعو الناس فيه يستذكرون احزانهم واوجاعهم ودموعهم ودموع اللي يعز عليهم ! هذا تعذيب للنفس واستدراج من الشيطان لفخ القنوط والحزن والضيق وتعطيل للنفس يعني حتى ماذكرتي فايده وحده من هذا الاستذكار بالدموع والدندنه على اوتار العاطفه على الأم لان اصلاً مافيه اي فائده تذكر غير تعذيب للنفس وتعلق بالاحزان والكدر واحنا والله يا غاده شبعانين هم وحياتنا فيها اللي يكفي وعايشين بالصبر والرضى والتعايش والتصالح مع ظروف الحياه واقدارها لان مافي مفر منها لا الحزن ولا الدموع ولا النياح راح يغير منها ذره ومايقول لك مثل كلامي الا اللي ذاق المر والضيق والعسر والفراق بحياته وتصارع معاه وقاومه ووصل لقناعه ان الايمان والرضى والتسليم هو الحل لو الدموع والنياح يغير شي كان نفعتني دموعي زمان يوم كنت كريمه فيها وابكي بسخاء شديد كان تغيرت حياتي يوم كنت بموت من الضيق والاكتئاب لكن الواقع والحقيقه مافي غير الرضى والقبول والتسليم بكيت مابكيت دندنت على ذكريات الماضي وحبست نفسي فيها والله مافي الا هو "الرضى " الله يجبر خاطرك وقلبك ويعطيك ايام حلوه

انا ماقلت نصير جماد ما نحس ولا نحزن ولا قلت الفراق سهل بالاخص فراق الموت اعرف انه صعب ومؤلم وثقيل...