أذكر سعره كله على بعضه 9500 درهم

الله يوفقج ويقومج بالسلامه.. باقي لج 13 يوم شوفي اذا ترومين تحصلين اقرب مكان لج في السعوديه وتوكلي على الله

تحياتي لج وبالخدمه

سونه حياتي

هالامور مافيها مزح وغش..الطبيعي ان كل دم يتحلل قبل استخدامه فما بالج بدم يختص بشخص معين فقط لأستخدامات جاده في حياته..

كل شي مدون برقم.
يكون لج رقم معاهم وتابعينهم عن طريقه وهم يراسلونج ويحق لج تسألينهم عن كل صغيره وكبيره وتقدرين تطلبينه في أي وقت تحتاجينه

الدم لما ينسحب يتخزن تحت الأسم اللي تعطينهم اياه عند طلب مستلزمات السحب مع عنوانج ويعطونج في المقابل عنوانهم ورقم ملفج وياهم.وتخلينه معاج لوقت الولاده واللي في الغالب يكون تحت اسمج انتي لأنه أضمن بما انج انتي الوالده ما أظن شي وقت يحتفظون فيه باسم الطفل اللي يمكن ما تكونين سميتيه بعد !

ولا تنسين أي خطأ يصير لا سمح الله راح ينكشف قبل الأستخدام طبعا لأنه راح يتحلل وفي دول الغرب القضاء ما يرحم يعني عادي اي حد يقاضيهم ويكسب من وراهم ملايين.. لهذا السبب هم جدا حريصين وخاصه في الأمور الطبيه

أتمنى ان الصوره وضحت لج أكثر

خواتي الغاليات أتمنى اي وحده فيكن قامت بهالشي تفيد غيرها وتقولنا عن مكانه عشان غيرها تستفيد في باقي الدول العربيه

أنا طلبتها من مركز سمارت سلز(Smart cells) في دبي والموجود في مكاتب فندق كراون بلازا

وسويت السحب بعد ما خذت الأدوات منهم في المستشفى الأمريكي وبعثت الدم المسحوب في نفس يوم الولاده عن طريق الدي اتش ال

سونه حياتي ..تقدرين تعتبرينها من معجزات العلم اللي الله سخرها لعبيده.
تخيلي ان هذا الدم يساعد على علاج مرض اللوكيميا(سرطان الدم) عند بعض الأطفال اللي حالفهم الحظ بالشفاء بعد مشيئة الرحمن والمعروف انه معظم المصابين فيه علاجهم ميؤوس منه

والله مني فاهمة شئ

ميمونه

لو فهمتي ما راح تطوفينها على عيالج .. أنا حاطه الويب سايت لهذا الموضوع
وشرحت في البدايه شو فايدته

باختصار :

الطب اكتشف أهمية وفوايد دم الحبل السري لكل المواليد بهدف التصدي وعلاج أي مرض قد يواجهونه في في اي عمر في المستقبل.

يتم سحب الدم وتخزينه في مراكز متخصصه الى ان تستدعى الحاجه له..

اتمنى ان يكون شرحي واضح لكم عشان تستفيدون .عموما اسألي دكاترة الولاده عنه وبيفيدونج أكيد.

حاليا عندنا فرع في دبي يتعامل مع مراكز التخزين في بريطانيا.