دم بعد الجماع هل هو حمل :( افيدوني الله يخليكم

السلام عليكم
كيف حالكن يا خواتي ..؟
صار لي 3 سنوات متزوجه و لم انجب بعد و لله الحمد .. ما خلينا شي الا و سويته .. عملت كل الفحوصات اللازمه .. و تعبت من الدكاتره و هذا العالم .. الله يصبرنا و يقوينا ..

المهم خواتي الشهر هذا اخذت كلوميد .. و تابعت التبويض .. الدكتوره قالت فيه 3 بويضات .. عطتني ابره تفجيريه و تم الجماع .. و عطتني الدكتوره دوفاستون لمدة 10 ايام ..

و طبعا معروف عن الابره التفجيريه ايش تسوي من آلام في بطن قويه تروح و تيجي .. طوول الاسبوعين و انا احس بآلام قويه في رحمي تروح و تيجي هلكتني .. و امس حتى حسيت بالم .. المهم احس اليوم الالم خف كثيير و يا دوووب احس فيه ..

انا عندي خبره مع الدوفاستون .. دائما لما اوقفه بعد 3 ايام من توقيفه تشرف الدورة ..

الـــ 3 ايام هذي عدت و اليوم المفروض تنزل .. و يا رب ما اشوفها الا في النفاس وياكم يا رب :(

المهم اليوم صار جماع .. و بعد الجماع على طول نزل مني بني فاتح اللون .. و بعدها ما فيه شي .. طبعا انا بكيت و حاولت اقنع نفسي و رضيت و حمدت ربي .. ايش ابغى اسوي الموضوع مو بيدي ..

الى الآن ما فيه شي ... و حتى اليوم عندي عرس بس ما رحت له عشان ما اتعب نفسي قلت يمكن حامل ههههههههههههههههههههههههه مسكينه انا اوهم نفسي .. :44:

الحين هذا من تاثير المنشطات و الابره صار عندي لخبطه عشان كذا ما نزلت بالشكل الطبيعي ؟ و خلاص انا مو حامل يعني :(

كل التعب يلي تعبته في هذا الشهر راح . وش رايكم اروح العرس اليوم ؟؟ هههههههههههههه

و الله محتاره ايش اسوي ... هل ارجع اتامل و اقول اني حامل و خليني انتبه على نفسي و انام على ظهري و بلاش ابذل مجهود .. و لا خلاص ارضى بالامر الواقع و هذي دورة و مصيرها تنزل .. انا في حيره ..
مين صار لها مثلي و طلعت حامل ؟؟؟

آآآخ يا قلبي نفسي ما تطلع دورة و افرح ...

الحمد لله على هذه الحال و على كل حال ..

فيه شي واحد لسه ما سويته .. هو منظار الرحم .. تنصحوني اسويه ؟؟؟؟ عرضت على زوجي و قالي لا مستحيل تسويه :(