دم في الشهر الخامس..بعد عدة اجهاضات..!

اللهم لااعتراض_أنا متزوجة من 4سنوات تماما..تزوجت وأناصغيرة مرة ..كنت مخلصة ثاني ثانوي وحملت بسرعة وعانيت بسبب امتحانات الثانوية العامة+الحمل اللي استمر 4 شهور ونص_تخيلي_وفجأة جاني نزيف حاد كدت أموت منه..ولماكشفوا المستشفى لقوا مافيه نبض يعني الطفل ميت..حطولي طلق صناعي الله ياجرني على اللي شفته وقتها..وبعد هذا كله آلام التنظيف.طلعت من المستشفى حاسه إني تاركة شي وراي..ماني متخيلة إن طفلي_كان ولد_اللي عاش في بطني هالمدة كلها خلاص إنتهى؟؟طبعا كملت امتحانات الثانوية باحباط.
بعدها حملت بعد فترة راحة دامت 7شهور وكان حملي ممتاز لحد ماكملت الشهر الثالث ودخلت الرابع جاني نزيف قوي لدرجة إني ماقدرت أنطق لما شفته..وكانت المشيمة نازلة على عنق الرحم وتنومت شهر على ظهري في المستشفى لحد ماارتفعت..ومرت الأشهر بخوف لحد ماخلصت 26اسبوع يعني نهاية الشهر السادس بالضبط ..اصبت بتقلصات_طلق_متفاوته لمدة 3أيام بعدها انفتح عنق الرحم بسبب التقلصات وولدت ببنت غير مكتملة الرئة توفت بعد اسبوعين من بقائها في الحضانة.

حملت بعد سنتين _تعبانة نفسيتي فطولت ماأبي الحمل_وهذاني حامل الآن لكن بالشهر الرابع والنصف جاني دم وسط ..انهرت لما شفته وصرت أبكي ولما رحت للطواري قالوا الطفل حي وعنق الرحم مغلق ولله الحمد_ماشاء الله_ والدم مالقوا له أي سبب!!!!!وماأحتاج أي عملية ربط لعنق الرحم!!وطلعت من المستشفى بعد أسبوع ..الخوف ذابحني..ادعولي بنات الله يثبته لي يااااارب ترزقني .
اعتذرت من الكلية السنة هذي بسبب إني أبي أريح نفسي في الحمل ..علما إن هالترم تطبيق ..يعني حيل متعب.فيارب لاتفقدني حملي بعد مافقدت دراستي بسببه.
طولت عليكم لكن والله من الألم اللي في قلبي وذايقه مرارته.ادعولي وسامحوني على الإطالة.
دورتي كانت في11_10_1425يعني بأي شهر أنا؟؟؟؟؟؟؟؟؟ :( :(