كيف الحال جميعا
حبيت اعطيكم تقرير بسيط عن الكورس الثالث بتزين الكيك لتافولا
وهذا هو رابط لمشترواتي من تافولا وللكورس الاول والثاني
http://forum.hawaaworld.com/showthread.php?t=2284189
تفضلوا معي
طبعا هذا الكورس يعلمونه كيف نعمل كيكات للافراح
وكيفية تزينها من الكريمه والفودان
هذا العلبه الي على اليمين يعطونه مع الكورس
فيها الادوات الي بخلف العبوه
والي مكتوب عليها كورس 3 هذا هو الكتاب
والي على الغلاف صورة الكيكه هذا الي راح نعمله باخر الكورس
اهم شي شنطتي الزرقه الي فيها عدتي من اول كورس لى
من الوان ورؤوس الاقماع وغيرها
وهذا الكمب يستخدمونه لسهوله فرد الفودان
وبنفس الوقت انسوي منها صمغ
هذا اعمده نستخدمها لكيك الطبقات
وهذا القطاعات لعمل الورود
وهذا الفراده واعواد خشب
والقاعدة الدائريه لقياس قطر الكيكه
وهذا عجينة الفودان الي راح نستخدمها
يتبع
بس يوم خلصنه عطونه الهوم ورك الي هو الواجب لازم انسويه
طبعا هذا الكورس فقط يوم واحد باسبوع لانه يبغاله شغل كثير وبنفس الوقت اتسوين الواجب لين ينشف وتجيبنه للدرس الثاني
والواجب كان انسوي بعجينة الفودان القاعدة للورده
اليكم التفاصيل بالصور
هذا الادوات المستخدمه عجينة الفودان
والسمن لمسح القاعدة المخططه لتسهيل الفرد عليها
والعصيان علشان لما نفرد يكون سماكة العجينه بمساواه للعصيان
والفراده
والالوان والقطاعه
شفتوا اهني حطينه من هذا الكمب للعجينه لتسهيل الفرد وعدم تقطيعها لين مددنها
طبعا انتي على راحتج تختارين اللون ياوردي او اصفر او ازرق
عاد انا اخترت لون احمر بحريني
الدم يحن
تاخذين اللون واتحطينه على العجينه ثم تعجينينها باليد لين مايصير عندج لون احمر ..
واهم شي حطي بيدج سمن كريسكو علشان ماتلون يدج وتسهل لج لين تعجنينها بيدج
شفتوا فائدة الخشبه ثم تفردينها
ونقطعها باصغر قطاعه علشان الكل بيكونون نفس الحجم
طبعا تاخذين هذا الدائره وبيدج اتسوين كوره
ثم اترقيقين من فوق علشان بتكون مثل الدمعه
وتاخين الكمب مع شوي ماي راح بيصير لج صمغ
ثم تاخذين عود اسنان وتحطينها بالصمغ ثم القاعده الي سويتيها من هذا الكور علشان يتماسك وينشف
شوفوا كيف صار
ثم نتركها لين ينشف
انتظروني بالجديد
ليوم الاثنين للدرس الثاني
ان شاء الله استفتوا معي
حقوق الطبع محفوظة لدانة البحرين