قال تعالى ( قُلْ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلَى كُلِّ شَيْءٍ قَدِيرٌ )

وعليكم السلام ورحمة الله وبركاته

WIDTH=400 HEIGHT=350


WIDTH=400 HEIGHT=350


WIDTH=400 HEIGHT=350

ماشاء الله عليك ؛؛؛والله أسلوبك يجنن

وسردك رااائع

كملي والله أشياء أول مره أعرفها

متابعيينك ...


والله يعوضكم صبركم كل هالسنين

ويرزقكم من يخاف الله ويجنبكم الفتن والمسلمين

الله يرحم امواتكم واموات المسلمين ويرزقكم بالحاكم اللي يخاف الله فيكم..

اختي..ماسبق واتشرفت بمعرفة اي ليبييه او حتى قابلتها مجرد مقابله عشان كدا ماعندي معلومات صحيحه عن شعب ليبيا..بس احسكم شعب معزول عن الناس حاله حال نفسه يعني مو معروفه مدنكم او افكاركم او حياتكم زي بقية الدول العربيه..وبحكم اني من السعوديه ومن المدينه ماافتكر اني شفت مقر لبعثة الحج الليبيه او سمعت عن زوار من ليبيا..اكيد في بس مااحس فيهم وبوجودهم ابداً..

اول مابدأت الثوره سمعت اللي يقول ليش شعب ليبيا ثار صحيح القذافي خبل ومستبد وواجهه غير مشرفه لليبيا بس انه عاز شعبه ومغنيهم والدليل مافي ليبي يشتغل بره بلده بل بالعكس الناس يدورو الشغل بليبيا وخصوصاً المصريين وانا اعرف وحد مصريه اخوها من سنين شغال بليبيا فصدقت المعلومه..

بس تعرفي مررره حزنت لما مسكوا القذافي مع اني كنت ادعي بسقوط حكمه ومحاسبته وخصوصاً لما انتشر انه جاب المرتزقه من افريقيا يحاربه شعبه ويغتصبوا النساء(والله اعلم هذا اللي انقال)
بس الفيديوهات اللي نزلوها الثوار عورت قلبي وكنت اتمنى ان الثوار يتحلو بأخلاق حبيبنا وقدوتنا محمد عليه الصلاة والسلام واخلاق صحابته رضوان الله عليهم من عدم تعذيب الأسير وخصوصاً انه رجل كبير بالسن وعدم التمثيل بجثته وجثة ولده بعرضها للفرجه للناس لحد ماتعفنت..
وانا سمعت زي غيري انه كاتب وصيته وانه مات على مذهب اهل السنه او شي بنفس المعنى من قلبي اتمنى يكون الكلام صحيح..
لأنه فكرتي ان عندالموت يهون كل شي ومهما كنت متعذبه ومظلومه ومقهوره من الشخص واتمنى انه يتعذب وينذل لكن بس بالدنيا ومااتمنى لأي شخص العذاب ونار بالاخره..

واخيراً مااقول الا الله يرحم القذافي ويتجاوز عنه ان كان من اهل التوحيد لانه حتى المشايخ مااتفقوا على رأي واحد فيه..
وانتو يااهل ليبيا الله يعوضكم خير بالدنيا ويرفع منزلتكم بالاخره ..ويرزق جميع البلاد الاسلاميه الحكام اللي يعزوا الاسلام والمسلمين ويتقوا الله بشعوبهم..

الاخوات الليبييات اتمنى ماتزعلو مني ووتقبلوا كلامي بصدر رحب..