**أوشي ** :

ردت عليك الحبيبة نسوم ونزيد نرد عليك اختي بنت مطر.. هو في شي داره المقبور القذافي وهو على كل من اكمل دراسته ان يقوم بخدمة عسكرية وطبعا كل اولياء امور الفتيات لا يسمحو بذهاب بناتهم للمعسكرات نقعدو في الحوش لين ما تنتهي الخدمة وتجينا اوراق (بطاقة برتقالية اللون) ان انتهينا من الخدمة العسكرية وهذه البطاقة تقدم مع اوراق التعيين اذا اردت العمل ويمكن اختي انت تقصدي الكليات العسكرية طبعا في بداية كل عام تجي لجنة من الرجال الضباط والنساء الضابطات اللي لابسات احسن لبس وقص وعطور وشعر مصبوغ الوان مبهرة حتى يزغللو عيون البنات الصغار المراهقات للتسجيل والذهاب بهن الى طرابلس واحكي لكم مطب عملته في امي يوم جتنا هذه اللجنه وقفونا في الطابور ساعات وهم يغرو فينا بالفلوس والذهب والسكن والسيارات في طرابلس بس يبو وحدة تسجل ويمرن الضابطات علينا في الطابور خاصة اللي يلقوها جميلة يلحو في الطلب عليها ويقعدن الضابطات يقولن لنا اللي تبي تسجل وخايفة من بوها تتكلم طبعا باءت كل محاولاتهم بالفشل وانا لما رجعت للبيت قلت لامي اليوم جونا جماعة معمر وحكيت لها اللي صار وقلت لها راهو يمي انا سجلت وبكرة في الصبح يبو يجوياخذوني والا امي تطير من مكانها وتقعد تصفق في ايديها وتقولي حيه عليك والله بوك يقتلك وبعدها يجونا هنا ويقتلو بوك بعدها خفت على امي وقلت لها انبصر معاك يام وتجي امي ودقتني بين كتوفي وقالت لي طيحت قلبي وقعدنا نضحكو وقلت لها تعرفي يمي ولا وحدة سجلت من المرسة وبعدها بمدة نعلم انهم طلعو من مدينة طبرق خاليي الوفاض..خخخخخخخخخخخخخ

ردت عليك الحبيبة نسوم ونزيد نرد عليك اختي بنت مطر.. هو في شي داره المقبور القذافي وهو على كل من...

أم التريس :

جزاك ربي الجنان يانسووووم وسلمت يدااااك

جزاك ربي الجنان يانسووووم وسلمت يدااااك

nso0om :

سلام حبيبتي رديت عليك بس الخدمه العسكريه تكون بعد التخرج وليس قبل دخول السنه النهائيه من الثانويه ولكن لاأحد يقوم بها الشباب فقط ولاأدري إن كان ماتقولين حصل مع أجيال قبلي ممكن أخواتي الليبيات يفيدنكن إنت من وين جبتي المعلومه

سلام حبيبتي رديت عليك بس الخدمه العسكريه تكون بعد التخرج وليس قبل دخول السنه النهائيه من الثانويه...