دنيا عجيبه ،،، والله ماتتخيلوا وش صار

كنت طفله بريئه وبعدها شابه مرحه وفي الجامعه انخطبت وفرحة تدرون ليش لانه الحبيب اللي تمنيته طول حياتي ولدخالي اللي ما شفت بطفولتي غيره كانت ايام الخطبه سعاده وعشت احلام وكنت احس اني طااايره وتزوجنا
وياااا الله دخلت البيت وكنت بديره غير ديرة اهلي وانقفل علينا باب وسبحان الله جا على غير المتوقع كان يدرس بعيد عنا وماسالنا عنه اتاريه تغير وصار مدمن ومريض نفسي وبدأ المسلسل ضرب بكا هجر وانا اتحمل اتحمل عشان الحب واقول بيتعدل ومشت الايام ومشت والله انها مأسي كل قصه عندي تعتبر حياه لشخص غيري لاني مريت بمسلسل من القصص مطاردات شرطه وياخذني معاه نشتري من مروجين ومغازله وخوف ونكد
طبعا اهله متفرجين يقولون انتي السبب في ضياع الولد لانه كان يعلمهم بكل صغيره وكبيره وما يقولهم شي عن نفسه كان يسبني وبس وكمان يسب قبيلة ابوي ويقول انها قبيلة ضعيفه وهو من قبيله لها عز واخواته نفس الشي وعيالي وراهم مسلسلات العنف اللي كنت اشوفها زمان في قناة الكويت اذا كان الاب مدمن كيف يضرب الام قدام عيالها وكيف العيال يتخبون ويبكون بس في اخر الايام صارت بنتي الكبيره تفزع لي هي واخواتها ويبعدون ابوهم مني
المهم بعد ذا الصفحات الموجعه انتهى ولله الحمد المسلسل بزواجه علي بتحريض من امه ومادرت انها فعلت فيني خير والله ما تصدقون كيف ارتحت يوم طلع من حياتي صح ان الحياه جت على غير ما تمنيت ولكن لله حكمه ولكن خفت المشاكل والقهر

المؤلم في السالفه اني والله والله والله كرهته كره مستحيل احد يحمله لاحد اتمنى له كل شر وافرح لاي مصيبه او سجن او مرض يجيه فعلا تغيرت المشاعر وزعلانه انها تغيرت وانتهى حب سنين ولكن قدر الله وما شاء فعل.
صح القلب حزين لخيبة الامل و لفراق غالي ولكن ننتظر العوض
في صلاح الاولاد والجنه
موقف صار بذكره كنت جالسه ادهن رجوله لانها كانت توجعه وانا ادهنها كنت مستمتعه ومن زود العشق اللي احمله له بكيت من تفاصيل رجوله اتمنى فهمتوني وفي نفس اللحظه دق جواله وراح الغرفه. لحقته لقيته يكلم وحده يقول لها احبك ومشتاق لك متى اضمك

خلاص لا تعليق 💔💔