دنيا غريبة

تاريخ ٢٨ أكتوبر ٢٠٢٦١٧ جمادى الأولى ١٤٤٨يوم الثلاثاء الساعة ١٢:٢٦ ميالله كيف مرت الأيام والسنوات بعض الردود أشوفها من ٢١ سنة وبعضها من ١٥ سنة يا ترى وش صار فيهم وين ودتهم الدنيا قاعدة أتأمل وأنا أقرأ كلامهم يوم من الأيام بصير مثلهمصارت تغيرات كثيرة ما يستوعبها العقل حطيت نفسي مكانهم قبل ٢٠ سنة هل كنت بتوقع هالتغييرات؟ لاولا هالحروب إلي طالعة بين السعودية والحوثيين، وأوكرانيا وروسيا، وتحرير سوريا، وحرب السودانبعد يمكن عشر سنوات أو عشرين سنة أو ممكن عام ٢٠٨٠ أحد يقرأ كلامي هذا أو ما يقراه أو الموقع ينحذف بين فترة وفترة أدخل هنا أشوف ردود الناس وفاصل السنوات كم ممكن ألحين صاروا جدات أو تحت التراببس المنتدى أتمنى من كل قلبي ما ينحذف نفس غيره يبقى دايمًامن الفضاوة دخلت أقرأقبل عشر سنوات ما كنت متخيلة حياتي إلي ألحين والله يعلم بالقادم لو أحد قبل عشر سنوات قالي هذا حياتي إلي بيجي ما صدقتهدخلت شفت كثيرين يكتبون عن عيالهم إلي توفوا الله يجبر قلوبهمقبل نقول ٥ سنوات لو أحد يقول لي بتحملين وتولدين ويموت ولدك ما صدقته وزعلت منه أقول يتفاول علي دنيا غريبة عجيبة جدًا فيني شعور عجيب داخلي ما أعرف كيف أوضحها وأفسرها مدري الحروف لا تسعفني أحيانًا ودي أتمنى عشت هالفترة أحيانًا أقول لله حكمة في كل شيء طبعًا وقتها كنت صغيرة عمري ١٢ ١٣ أدخل منتديات أقرأ روايات وردود الناس لما أبحث عن وصفاتألحين ٢٤ سنةيمكن بنتي إلي عمرها الان سنتين و١٠ شهور تقراها ٢٠٨٠ وما تعرف إن أمها إلي كتبتهاكثيرين يقرون الكلام وما يدرون إن ممكن أمهاتهم جداتهم كتبوا هالكلامعسى الله يحفظنا ويحفظ المملكة العربية السعودية وجميع بلاد المسلمين يا رب.