دنيا كئيبة وش بقى

انا فتاة جامعية باخر سنة دراسية نقلت لمدينة مختلفة تماما في كل شي لغرض الدراسة واجهت صعوبة كبيرة جدا اتقبل فيها هالمجتمع اولا حياة جديد و مرحلة جديدة و جامعة مختلطة و طلاب جايين من مناطق مختلفة و الله ما كنت اعرف لسوالف البنات و حركاتهم جيت ع الجامعة مثل الطفلة البريئة و لا لي نية بشي غير دراستي المهم اني كونت لي صداقة متينة مع ٤ بنات كنا دايم نطلع سوا و نروح كافيهات و مطاعم و كذا نغيى جو مع بعض و نستانس و وحدة فيهم منقبة كانت مرة تحبني و انا كنت استانس يوم اني معها احس قلبها ابيض المهم بعد ٣ سنوات صارت مشاكل بدت تفرق الشلة بس ما افترقنا و انا علاقتي فيهم كانت كويسة لذاك الوقت بعدها جات فترة قسمو فيها الفصل و هم كلهم بالتوزيع طلعو مع بعض و انا لوحدي على حظي المهم اني مع الايام احس انهم بعدو عني ماحد يسال عني و لا حد درى عني و اللي كنت دايما اقول صديقات عزيزات علي مستحيل يفرقنا شي صرت احس انه ما يعنيهم الامر و كاني مجرد لحظة و مرت بحياتهم صارو ما يتصلو و لا يرسلو و لا يتذكروني الا مرة لمرة و حتى الطلعات و الجمعات صارو ما يخبروني و كاني انعزلت عنهم و انا ما سويت لهم شي مجرد اني توزعت بعيد عنهم صرنا ما نتلاقى كثير
هذي المنقبة بالذات صار لها اصدقاء ثانيين و محور اهتمام ثاني و كذا اتعرفت على جماعة غير و باين ان مرة تحبهم و لما احاول اتواصل معاها ما ترد الا بكلمة او كلمتين اذا قابلتها تسلم و تروح تسولف و تضحك مع صديقة جديدة لها و انا كاني و الحيط واحد
المهم انا ما لي حظ عموا بالصداقات بعمري ما كان لي صديقة استمرت معي و دايما هم اللي يصير منهم البلا
الحين هالصديقة المنقبة ما غلطت علي ما اذتني بشكل مباشر بس احس كرامتي و مشاعري مجروحة يعني و الله لو اني ادري كل هذا بصير ما كان صاحبتها
كل هالكلام بس فضفضة احس اني وحيدة و انا ما ابغى صداقات و لا شيء ما ابغى شي من الناس بس احس الدنيا شينة حتى باهلي انصدمت لما نقلت اعيش معهم اقصد جدتي و خالاتي و اعمامي و كلهم كلن لاهي بحاله و كلن يبغى مصلحته و بس
اللي يذكر موضوعي عن الكنيسة و السيارة تعرفون خالي عنده مكتب تاجير سيارات و يشوفني اتبهدل كل يوم بالشارع و لا يوم و لو بالكذب قالي خذي سيارة او خليني اوصلك كل شخص بمصالحه
صرت انسانة كئيبة جدا جدا و احب الهدوء و امثل الضحكة و ماتت الدنيا بعيني ايوا اني عايشة و امثل بس ماني مستانسة لاني مسالمة بمجتمع كل الناس فيه تاكل ببعض لو الماس من حولي تضحك اقول بنفسي كذابين و اقنعة و ما احب اقعد عندهم صرت اكره اجلس عند احد