عزيزاتي بنات حواء مبااااااااااااارك علييييييييييكم الشهر وكل سنه وانتم طييييييبييييين
حابه اقدم لكم طريقتنا في عمل الدهنه ,,, وان شاء الله تعجبكم
اولالا ,,, المقادير
انا اسوي دهنه دبه كبيره ,,,علشان هشكل اخذ
10 حبات من الزبده الحجم الكبير(زبده المراعي)
1كاس جريش مشفشف ومطحون
1 كاس (اقل بشوي من الجريش)من الحلوه المشفشفه ,,, انا عقب ما اشفشفها
اخذ منها شوي ودقها بيد الهاون لاني ما ابغي انعمها واجد
بس حتى اطلع نكهة الحلوه اكثر
قفشه متوسطه غير متروسه كركم
قفشه ملح ,,,,
الكركم والملح حسب الذوق ,,,,يعني اذا حبيتي دهنتج
اتكون صفرااا واجد زيدي الكركم ,,, والملح راجع لج
(( طلعي الزبده من وهل خليها في الجو العادي ))
نبتدي
احط الزبده في جدر ليييييييييين اتسيح على نااااااار هاديه جدااا ...
وانطرها لين اتسسسيح ويطلع زبدهاااا واشيله
لاحظي التدرج ,,,,
اهنيه تقدرين اتشلين الرغوه الي طلعت
اذا شفتي الرغوه خفت تقدرين الحين اول شي
اتضيفيييييييين الملح والكركم وطولين على النار شوي زياده
وتخلينه تاخذ اشويه غلوه حتى الكركم والملح يتفاعل مع الدهنه ( حلو يتفاعل )
الحييييييين حطي الحلوووه المشفشفه والجريش المشفشف ,, ومطحون بعد زياده ,,,
والحيييين قصري مره ثانيه بزياده وخليها تطبخ تاخذ لها
30 د ق تقريباا نار هاديه ,,,,
وخليها لين تبرد ,,,,
ولين بردت ان شاء الله زليها في دبة الدهن ,,, طبعااا حطي مشخاله مايمر منها اي شي دقيق شلون عاد كيفج تصرفي ,,,,
وجعلها في العاااااافيه ويا زينهااااااااااااا فوق العييييييييسش الابيض ,,, ولا على المجبوووووس
وسلامتج وغفر لي والى والدي ووالدا والدي
ملاحظه
ترى الباقي احنا انسميه طلاعه ويكون طعمها لذيذ
تقدرين اتحطينه على الشلاني وتاكلين منه
بس تحذير الي وزنها شوي زايد خل تتجنب هذه الخطوه
وتعطيه حق العيال الي ضعاف اتسمنهم