هلا بنت كيفان انا استخدم دهن صانسيلك الاصفر وايد حلوو وشامبو دوف وبلسم دوف ومرتاحه عليهم

هلا بنات ..
بنت كيفان ,,أنا نفس مشكلتج ..أبى أدهن و خايفة ..شعرى مو الأول
لعبت فينى دور المجرمة مالت صالون كيفان ..رايحة أبى أحط حنه و قصت على :خلينى أخصلج و ما أدرى شنو و كله أعشاب ماكو أكسجين و بحيات أولادى !! أنا قلت يمكن صج ..خو ماكو أغشم منى بهالمواضيع ..و تحط ..و شأطلع ؟؟ البرتقالة !! أسود و برتقالى ..أخرع ..ما راح أقول إشسويت ..المهم قامت تحط شغلات و أنا بين دموعى أقول لها رديه مثل ما كان المهم ..صار نوعا ما بنى ..و جنه قاعد يفتح مرة عن مرة ...بس الملمس ..ليفة والريحة مو ريحة شامبو ..عيزت ..إهى خمرية ..إهو بخور ..ماكو ..حسبى الله و نعم الوكيل
فإذا مشى معاج شى ..تكفين قوليلى ..و ماركة كريستاس موجودة ..شايفتها فى مكانين : 1- صالون دلال (الصالحية)
2- صالون لا بلو بل –جدام حديقة الشعب عمارة دونت كنج

ياهلا اختي ,,

انا اقصد لوريال بروفشنال اللي ماتكون موجوده إلا في الصالونات , تعطيك نتيجه افضل

وبالنسبه للزيت إذا لك اكثر من ثلاث شهور صابغه تقدرين تزيتين شعرك لأنه ماراح يتأثر

كويتية 26.......مشكورة وبس اجربه ارد لك خبر ما قصرتى يا الغالية.
احلى الجياكر ... حاسة بمعاناتك احنا مانبى نصبغ بس نروح الصالون او نشوف وحدة صابغة ننهبل وتالى نتحسف.المهم جربى شامبو لوريال لونه احمر للشعر المصبوغ وفى بلسم منه بعد للشعر المجعد لون العلبة برتقالى وتحصلينهم بالجمعية روووعة انا حيل ارتحت عليه بس الدهن للحين ما دهنت.