دهون دهون وجهي كله دهون

بسم الله الرحمن الرحيم

اخواتي اتمنى ان اجد حل عندكم والله متضايقة بالمرة من وجهي

زمان كانت بشرتي مختلطة وكنت استخدم لها غسول تي تري من البودي شوب من خمس سنين وانا استخدمه واستخدم كريم فيتامين اي من البودي شوب كمان وكانت بشرتي صافية وحلوة ومتوازنة ماتدهن كثير تدهن بس لمااصحى من النوم واغسله بالصابون واحط الكريم وخلاص ماعاد تدهن الا ممكن اخر النهار اذا رجعت من الكلية الحين مدري اش صار كل شوي تدهن ووجهي كله مو بس منطقة T يعني صارت بشرتي كلها دهنية وطلع فيها حبوب صغار دهنية وانا مااطلع من البيت ,,مثلا صحيت الساعة 7 الصبح تجي الساعة 10 ووجهي يلمع كله دهن اول ماكان كذا
مدري اش المشكلة ؟؟؟؟
تخيلوا بشرتي صارت تلمع كأني حطيت لها زيت صرت كل ثلاث ساعات اغسله بالصابون مااعرف اخاف اغسل وجهي كثير بالصابون بس اش اسوي صار مرة مدهن ماادري هل هو من الجو؟؟
لاني قبل يومين كنت بالمدينة المنورة وتعرفون جوها جاف مادهنت كثر ماتدهن في جدة
ياليت اللي عندها حل سريع لانه عندي مناسبة بعد اسبوع ونص تقريبا وابغا اكون فانتاستك واللي الاقي عندها حل يناسبني راح ادعي لها
اختكم
دودي الدلوعة