دواء Reaccutane لحب الشباب

السلام عليكم

اختي Sakura انا خذت هذا الدواء لحب الشباب.. بس ما اذكر الجرعة .. اللي اذكره ان الجرعة كانت اقوى في الفترة الاولى من العلاج كنت اخذ حبة الصبح وحبة بالليل بس ويهي اندمر طلعت لي حبوب فظيعة في ويهي لدرجة اني كنت استحي اروح الدوام بها الشكل وكنت احاول اخفيها بالشيلة :44: رحت للطبيب وخفف لي الجرعة واستمريت تسع شهور على العلاج.. هو الدواء تأثيره ممتاز لحب الشباب... الحبوب اتروح وروحج بتلاحظين هالشي ولكن التأثيرات الجانبية اهي اللي اتبهدلج.. مثل الجفاف انا شفايفي ما كنت اطيقها خلال فترة العلاج من كثر الجفاف وطول الوقت احس انه في طبقة على شفايفي واعتقد عيوني ايضا تأثرت بالدواء لأنها كانت تعاني من الجفاف لفترة طويلة .. لكن للدواء تأثيرات جانبية ثانية اتمنى انج تكونين قريتي النشرة المرفقة... وعادة يطلبون منج اتوقعين على تعهد واذا متزوجة ما تحملين خلال هذي الفترة... ويستحسن اتسوين فحوصات للدم قبل البدء بالعلاج.. طبعا انا ما اخوفج بس الدواء صراحة ممتاز لان الحبوب بتختفي عن ويهج


ملاحظة مهمة جدا: (( بعد سبع سنوات من التوقف عن اخذ الدواء رجعت لي الحبوب.. طبعا مب بالشكل القديم لاااااا... يعني ممكن انها تروح بالمضاد الحيوي.. وهالشي يعتمد على درجة الاصابة بحب الشباب))...

اتمنى اني اكون افدتج اختي ساكورا ... والله يوفقج اي استفسار انا حاضرة :55:

مرحبا حبيبتي انا الحين لي ثلاث اشهروانااستعملهم بس الحمد لله احسن مئة مره من اول وانا صراحه تشجعت يوم شفت عمتي ماشاء الله تبارك الله صارت بشرتها تلمع حتى كان فيها حبوب داخليه بارزه شوي حولين الانف اختفت وكانت تعاني من حب الشباب من يوم عمرها 15سنه لاحضي ما اختفت الحبوب الى لما استعملت العلاج هذا والحين عمرها 35 سنه ..انصحك فيها اذا انتي مو متزوجه لانها تا ثر على الحامل واذا انتي متزوجه لازم لازم تاخذين مانع وتكلي على الله لانه مافي دواء احسن منه :27:

:26:

الحبوب زينه لعلاج حب الشباب بس لازم تكون الجرعه مناسبه على حسب الدكتور واقصى استخدامها على حسب الدكتور 6 اشهر مع فحوصات الدم شهريا تقريبا لأنها ممكن تاثر على الجسم ... لا سمح الله .. وانتبهوا لازم وصفة دكتور ومتابعه منه...الله يوفقكم
:26:

مرحبا sakura
أنا عن نفسي أخذت الدواء من سنة و نص...و استمريت على العلاج 6 شهور...و الله يعلم كيف كانت بشرتي و كيف صارت...

على العموم....فيه موضوع من زمان عن هذه الحبوب..سوي له بحث و إن شاء راح يجاوب على كل أسئلتك...:55: