دوائر الكيك الاسفنجي سبشل 5نجوم واااااااو

السلام عليكم كيفكم



بدخل على طول هذا الله يسلمكم كيك اسفنجي مضبوط 100% ولذيذ وسهل سويته لاصحاب زوجي اعجبهم واثنوا عليه


المقادير


6بيضات يفصل البياض عن الصفار وكل واحد بطاسه-1كوب دقيق يخصم منه ملعقه كبيره ويوضع بدلهاملعقه كبيره نشاء -ربع الغطاء خل-نص ملعقه صغيره ملح -كوب سكر مطحون يقسم بالنص كل نص بكوب
- 3ملاعق كبيرة مويه- ملعقه صغيره فانيليا

الطريقه

نخلط صفار البيض بالخلاط الكهربائي عالبطيء ثم عالسريع لين يتغير لونه شوي نضيف نص كاس السكر المطحون بالتدريج ونخلط ثم الفانيليا والماء ونخلط عدل ونستمر بالخفق 5دقائق نشيله على جنب تغسل الريشه ونبدأبخلط البياض على خفيف لين يصير ابيض ورغوه نزيد السرعه لين يكثف ونحط الخل والملح ونخلط و نصب السكر بالتدريج ونخلط لين يشتد اكثر ويصير قوامه مثل الكريمه نخفق لمدة 5دقائق نجي الحين لتمرين العضلات :35: جيبي ملعقه خشبيه والدقيق وجيبي خليط صفار البيض ودخلي عليه الدقيق ملعقه ملعقه وحركيه بشويش وتكون الحركه بمسار واحد اوكي اذا خلصتي الدقيق جيبي خليط البياض وصبيه بالتدريج عالخليط السابق برضه بشويش وتكون حركة الملعقه من فوق لتحت لين تنتهي الكميه جيبي صينيه كبيره مدهونه بزيت ودقيق وصبيها فيها ووزعيه بملعقه بحذر شديد ودخليها الفرن انا فرني كهربائي اخذت بس 10اهم شي ماتكون عالنار مباشره ارفعيه شوي بدرجه او درجتين (يعني ارفعي الرف الحديد )>>>>خوش وصف

اذا نضجت تترك تبرد بعدين تقلب وترش بسفن اب او شيره انا سويتها مرتين مره بسفن اب ومره بشيره وكلها حلوه والغرض منها تخلي الكيكه تنفش


نجي الحين للزينه العنصر المحبب لي

سويت الكريمه (2ظرف دريم ويب-نص ملعقه صغيره فانيليا -علبة قشطه -ونص بيالة حليب سايل تخفق لين يثقل
الخليط ويصير متماسك)


تترك تبرد وبعدها تفرد عالكيك وتقطع دوائر وتزين بفراوله وتوت وهيرشي او اي نوع زينه تبين

شوفوا الصور واحكموا



هنا الكيك بعد النضج


358867



وهنا قلبتها ورشيت عليها الشيره

358868


دهنتها بالكريمه وقعتها دوائر


358869


زينتها بفراوله وتوت وهيرشي يميييييييييي


358870


وهنا :35:


358871


لي عوده