اليوم طبقي غير شكل!!
يعني له حكاية الف ليله وليله!
وهي ان اختي اخذته من ربيعتها بالمدرسة!
وهي قالتلي المقادير!
ويوم العيد سوته اختي! عاد حرمة عمي تخبلت عليه قالت من وين يبتوه؟
وكيف المقادير لانها يلست تزط وتزط! عيباها!! يشبه الجاهز!!
والحين نخش بالمقادير السهلة جدا جدا!!
كيكة العلالي الكاكاو!
1 كوب حليب
2 ملعقة كبيرة كاكاو بودرة!
الطريقة!
طبخي الكيكة كما مكتوب خلف العلبه وبعدين ! ما تخلص وتطلع من الفرن!
يبي ملة كبيرة وفتتي الكيكة قطع صغار صغار كما هو موضح بالصورة !
وبعدين!
خلطي كوب حليب بارد مع الكاكاو البوردة!
وبعدين صبيه فوق الكيك المفتت! وعجنيه!
بيطلعلج شرات العجينة!
سوي كور صغار وحطيها بكيس مال الكيك الصغير وتمي سوي! لين ما تخلص الكمية!
المهم اراويكم شو صار!!
الصورة النهائية!
شورايكم!
عطوني رايكم!
على فكرة! تعرفون ان اكثر عن نص الصحن خلص! اهلي كلوه! عيباهم وايد!
انا مازينته! خليته كما هو! لانه طعمه حلو وايد!
وباااي مع طبق ثاني ان شاء الله!
وممكن تحطين بدل الحليب والكاكاو علبة حليب نستله بالكاكاو المركز
بس ليش تعجنين بايدك ..مافي كفوف نايلون ههههه ؟؟؟
انا على طول استعمل كفوف نايلون استعمال واحد وارميه
نشرتيه مع تموين البيت
الف شكر لك