:)البنات ماقصرو قاموا بالواجب:)

الله يعينك على ترتيب خزانتك و****لله تستفيدي من البنات

انا في دولاب التطبيق رف للبجايم ورف للبناطيل ورف للبلايز القطنيه والملابس الداخليه بسلات بلأدراج

وبدولاب التعليق فساتين السهرات والطلعات

و****لله اكون افتك.

شوفي اختي الله يكون بعونك ...
ولازم لازم لازم تبدأي اليوم قبل بكرة ولا تأجلي ...

يوم كامل امسكي الدولاب ..قسم قسم مو تطلعي كل الملابس وتصير الغرفة ماتشوفي رجولك من يدونك
اقصد طلعي رف رف يا بنت لا تخرجي نفس الرف اقصد الحاجات الي في الرف :hahaha:...

أول ما تخرجي القسم الاول جيبي منشفة نظيفة ناشفة وامسحيه من الغبرة ..
بعدين امسحية باي عطر زيتي مركز يعجبك او بلينور او اي ريحة تحبيها ...

ارجعي للملابس افرزي منها الي ما تلبسيه وهذي نقطة مهمة لأننا نحب نكوم نكوم الين ما يصير انفجار
قوي قلبك المهم وانوي انك تتصدقي بيها وربنا بيعوضك ...
بصراحة جربت طريقة لف الملابس على شكل رول مررررررررررررررررة روعة هالفكرة الله يجزاها خير صاحبتها
فكرة سهلة وسريعة وتشوفي الحاجة قدامك ما تحتاج تدوير ...

بالنسبة لمكان التعليق ...
طريقتي ارتب البلايز حسب تدرج الالوان وبعدين التنانير نفس الحكاية وبعدين الفساتين ...

والملابس الداخلية في درج لوحدها ....

وبخري الدولاب ..هذي نقطة اساسية واستمتعي بالروايح والترتيب الي يشرح النفس ...


**التسريحة والكمودينات **
هذي خليها اليوم الثاني ...

امسحيها تمام واذا ممكن تحطي التجليد الشفاف عشان يحافظ عليها ...
وافرشي فيها مفرش حلو مطرز او ممكن لو عندك شال من فستان شكله حلو ومناسب مع ديكور الغرفة
حطيه وحطي زينة بسيطة باقة ورد او فازة فيها ورود مجففة وصندوق فيه العطور أنتي وذوقك ...بس احلى شئ لا تكون مليانة ومتروسة ..

افتحي درج درج وابدأي رتبيه...
استخدمي كراتين الجزم اعزك الله تسهل عليك الترتيب وحتى علب الثياب ...
وكل درج خصصيه لشئ مثلا درج للامشاط والاستشوار ..والثاني للاكسسوار ...والثالث للكريمات اذا عندك
اطفال ارفعي الكريمات في صندوق وحطيها في رف في الدولاب اضمن ...


والبنات كمان ما قصروا بس قلت ادلو بدلوي ...

حاولى تتخلصين من الملابس اللى ماتلبسينها
كل فتره عشان مايتعبي عليك الدولاب
وانا حاطه للانجري صندوق وقمصان النوم صندوق
وملابس الطلعات معلقه والبيت فى الرفوف
بس هذا اللى عندى اتمنى افدتك

حطي دولاب لملابس البيت ودولاب لملابس الطلعة هذي أريح طريقة جربتها
وتخلصي أول بأول من الملابس اللي مااقتنعتي فيها أو ماعجبتك لأنك مارح تلبسينها
والملابس اللي ماهي مقاسك الآن وتخافي تحتاجينها طبقيهاوحطيها في رف لأنها تلخبطك اذاجيتي تلبسين