دوام الحال من المحال

السلام عليكم كيفكم كلللكم انشاالله تمام ونحاف وطيبين
المهم
انا جاييه اليوم وجايبه لكم حكاية
واقعية مية المية
بس هيا شويه محزنة ومأساوية
تحبواااا تسمعوهاااا
حتى لو ماتحبوا انا حكتبها عشان لا تصيروا زي اللي صار فيها دي الحكاية وتتتحولوا من بنات لزوزات الى دبب ومعقدات............... سوري على التعبير
هادي يا حبايبي وحده بنوته 17 سنه اتحطمت مرره بسبب جسمها كان وزنها تقريبن 68 وعلى سنننها يعتبر كتير مع العلم اننو هيا حلوة بس لو تنحف
المهم قبل سنه تقريبن بعد الحج اللي فات قرررت تعمل ريجيم الكربوهيدرات عشان قالوا اننو ينحف كتير وبدات البنت كانت شي اراده من حديد تشوف الاكل قدامها ما تاكل "الريجيم اكللو مرره كتير وهيا حاببتو " المهم عدت 3 شهور ونحفت 10 كيلو وبدات تمشي وتحافظ وتفهم في السعرات وجات الاجازة الصيف وصارت البنت وزنها 57 وتلبس مع اختها اللي اكبر مننها وانحف " شي تتمنا من زمان" وجات المدرسة والبنت جسمها ماشاالله حلو وتقول ابغى اوصلل 55 وانحف والتعليقات عليها شي خصوصن اننها طويلة .......
ونسيت نفسها ورجعت تاكل تاكل تاكل حتى لو مو جيعانه ووتتفنن في الاكل والبسكوتات والقلاوة والحلويات وسابت المشي" السير انخرب غصبن عننها"
ويوم ورا يوم كيلو ورا كيلو تزيد تزيد "يجيها احباط بس ايش تسوي تستمر في الاكل"وهكذا تبكب وتقول حبدا ريجيم وترجع تاني والملاااابس اللي ضيقتها صارت ما تجي عليها وشكللها بدا يوحش ورجعت دبه تاني
تخيلووو من 57 في تلاته شهور ال64 وقابلىة للزياده يا بنات البنت دي بدات تفقد كل اللي كسبتوا من نحفها جمالها جسمها الحلو متعتها في اللبس وصارت انسانه عصبية بس تاكل متعة اننها تدخل غرفتها وتاكل تاكل الى انا تنبشم وتجلس تبكي وعندها احسس انا خلاص حتوصل لل68 يابنات البنت دي كانت والله مضرب الامثال في الاراده والجسم الحلو وخللت كل بنات عيلتها لمن شافوها ينحفواااا
ودحين هيا صاارت انخن وحده وكللو نحف
غير الضغط النفسي من اخوانها والتريقه عليها
مسكينة
والله مسكينة

تبغوا تعرفواا من هيا دي البنت؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اختكم في الله roOomyyyyyyyyyyy
انا كتبت قصتي عشان تتعلموا مننها واكون عبرة في المنتدى زي ما صرت عبرة في العائلة لكل وحده نحفت ........
بس ايش الحل يا بنات ؟ انا حاسه انني خلاص لل68 اقرب من 57 تتوقعوا لو عملت ريجيم الشربة الحارقة اسبوع انحف 5 كيلو باذن الله مع العلم انني مرره اشرب شاهي اخضر وميراميه وخلطة العبيكان وامشي احيانا بس صرت اكل كتير انا داخلة على اختبارات ثانوية عامة ةتخيلو نفسيتي كيف كمان دحين المدرسة والتعليقات كيف صرت دبه ساعدوني وادعو لي وانصحوني بليزز ابغى اشوف ردودكم ونصحكم وتهزيئكم وتشجيعكم
ومعليش طولت على فكرررة انا بكتب وابكييي لووول