دوام جديد؟ بيئة جديدة؟ خايفه من الدوام؟ تعالي

السلام عليكم ورحمة الله وبركاته :icon29:


اغلب مواضيعي عن الدراسة وقبل كدا نزلت موضوعين اذا ماشفتيهم شوفيهم تاني :$
http://forum.hawaaworld.com/showthread.php?t=4246162
http://forum.hawaaworld.com/showthread.php?t=4247304

حدخل فموضوعي دايركت :p
بصراحه استغرب من البنت اللي تقعد تتحلطم عشان الدراسة جات :/ والللي يسمعها يقول كإنها استفادت من الاجازة شيء عشان ماتباها تروح :hahaha:
شيئ حلو انو اقابل صحباتي واجلس معاهم , احس يومي يكون منظم <3
ما بكذب عليكم واقلكم واااو المدرسة مرة جميلة والعلم نور! بس بنات بجد ليش ما نستمتع بكل دقيقه نداوم فيها؟

مدرسة جديدة وبيئة جديددة :
اول شيء سوائن كنتي رايحه متوسط ولا ثانوي ولا جامعه , الجديد دايما يكون غامض زي مايقولو بس ليش مانستفيد احنا ونخليها فرصه فإنو تكون بداية جديدة ونكون علاقات ونترك للناس انطباعات كويسا ؟

البداية الجديدة مو يعني اني اتصنع شخصية مو شخصيتي بس عشان اكسب الناس؟ خطا كداا.
او انو فيك اشياء حابه تغيرينها بس خايفه ان البنات يعلقون ويذبو عليك ويقوولو من متى و و و ... الخ
ابدئيها بداية جديدة انك تبيني الافضل عندك <3 ممكن انتي تخافي ترفعي يدك بالكلاس وانك تجاوبي بس عشان ممكن اجابتك تطلع غلط, كلنا مرينا بدي التجربه بس اتشجعي وجاوبي عشان تبيني للي معك فالفصل انو لا انا من النوع اللي احب اجاوب ولي كلمة واحب يكون لي وجود بالكلاس:cool:

ممكن انتي تكوني من النوع الخجول واللي لك صديقات محددات وانتقلتي لمكان جديد ماتعرفين فيه احد < حسيت بشعورك ومريت بنفس وضعك..
المهم اذا كنتي من النوع الخجول لا تخافي اذا نقلتي انك محتتعرفي على احد او انك ماتلاقي الصحبه الكويسا , انتي قدرتي تكوني علاقات وممكن من زمان فعشان كدا ناسية شعور انك ماتعرفي احد وخايفه تتعرفي , دي مو تجربة جديدة عليك انتي قدرتي من اول فلا تترددي انك تعيدي دي التجربه <3

وبنات حتا لو كنتي تعرفي احد بالكلاس بليز لا تجلسو ورا وتطنشو امن امن جابت امن الكلاس <برا ههههههههههههههههههههه المهم زي ماقلنا ابديها سنة كويسا وانثبري قدام عشان الاستاذات ياخدون عنك فكره حلوه :)
وزي ماقلتلكم خلي تجربة انتقالك من مكان لمكان تجربة ايجابيه وانك حتبدأي بدايه كويسا وبتتتركي العادات اللي ماكنتي تحبينها بنفسك وخايفه تغيرينها عشان كلام الناس , وتسيري الشخص والانسانه اللي تتمنينها تكون دايماا :biggthump

عاملي الناس كما تحبين ان يعاملوك وخلي اللسانك مهذب وابتسمي :icon20:

طيب حتسألي بعدين كيف اكسب صديقات؟بالاغلب حتكسبي صداقة بنات حيكونو من نفس فصلك وحتكون بشكل تلقائي وحتحسي بنفسك , ممكن كمان اذا جيتي للشعبتك بدري ولسا الاستاذه ماجات وشفتي بنات سولفي معاهم عادي وعرفي عن نفسك او اسأليهم اذا كانو فالمدرسه دي من زمان او اساليهن عن الاستاذه , الزبدة ابدئيها بأي سالفه والسوالف حتجر بعض :11retcher

لازم يكون لك هدف ! يعني تخيلي كل يوم تصحين وتروحين لدوامك بس عشان تغيري جوكك؟ خليلك هدف :lick1:

لا تقولين اناا اصلا مو شاطرة او ذاكرتي مو قوية ودايم احاول اني اجيب درجات بس ما احصل ؟ لانكذب على بعض العذر الوحيد المقنع انك *مالك خلق* , في ناس ذكية بس مافراسها مذاكره :p وفي ناس على قدها ومو كل شيء موفر لها بس تجيب درجات ممتازة , حطي فبالك انهم ماعندهم شيء زايد عنك بس عندهم ذمه وضميربالدراسة
اذكر بنت كانت معي العام وكانت فله وتدشرها صح وتلعب وتضحك معانا بس اذا بدأ الدرس تروح تعتزل البنت وتجيب ورقه وقلم وتركز مع الاستاذه

الدراسة سهله صدقوني , طيب هي مو عاجبتك ومره مخيسه ومتعبه! انتي مداومه مداومه فيعنيليش تزيدي الوجع وجعين :)؟ خليك متفائله وتذكري انو اي شيء تقوليه لعقلك حيصدقه , اذا حطيتي فبالك انها صعبه وماحبها ومالي خلقها حتسير اتوماتيك صعبه مهما حاولتي , اذا حطيتي فبالك لاا انا حستمع فيها ويكفي اجراللي يدرس *من التمس طريقا يلتمس به علما سهل الله له به طريقا الى الجنة*
اذكر البنات كانو يقولولي احياء1 مره صعب والاستاذه اسالتها اصعب ووووو كلااااااام كتييييير , وانا تحديت نفسي والحمدلله جبت فيها درجه حلوه :$

الوناسه لها وقت والدراسة لها وقت والعائلة لها وقت لاتخلو احد يطغا على التاني , حاولي ترتبي نفسك ووقتك حطيلك جدول مو شرط تكوني مثاليه ونفس الروبوت

اخيرا لاتنسو تتوكلو ع الله وتستمتعو بكل ما اوتيتم من قوه :lick1:
وان شاءالله تكونواستفدتو مني ولو شيء بسيط..