السلام عليكم..........اوشال حبيبتي خيرها بغيرها انشاءالله وقدر الله وما شاء فعل سبحانه
وعسى كل تأخيره فيها خيره انتي ما تدرين هذي حكمه من رب العالمين سبحانه يمكن لما تستقرون اقتصاديا انشاءالله ربي يسهلك وتحملين بعون الله

عوووووووود حبيبتي شلونج........مامداكم بالشاليه بسرعه حدرتوا؟؟؟؟؟؟؟؟
الهيلتون يمدحونه خواتي مره راحوا كامبينغ مع بنات سبائك(فاطمه التمار) تموا هناك ثلاث ليالي يعني اربع ايام........ماشاءالله وايد يمدحون المكان وكانوا ماخذين راحتهم على الآخر ومستانسين

افا عليج يالغاليه اسويه لج واجيبه بعد هوم ديلفري انتي تامرين امر........قوليلي اي يوم تبينه من عيوني......ترى من صجي ما اتغشمر ودي تذوقين شغلي
اي خواتي يعرفون بنات سبائك وعلى طول يروحون دروس فاطمه التمار ماشاءالله عليها
اختج كانت وياهم بالهيلتون؟؟؟؟؟؟؟؟
اذا كانت وياهم اكيد تعرف خواتي

عود اليوم رحت بيت في قرطبه حق بنت كويتيه تسوي كفرات للولاده....ماشاءالله بيتهم روعه هالاثاث العجيب وحمام السباحه بالسرداب.....عسى الله يهنيهم يارب
المهم شفت شغلها والله حلو........تصدقين تسوي حتى هدوم الفلبينيات ملوت التقديم نفس نقشة الكفر اذا تبين

لأ في قطعه 2........بس حسافه عارضه اربع موديلات بس وما عندها صور حق موديلات من قبل.........وانا طبعي احب اشوف كذا موديل .........بس والله احتمال كبير آخذ منها وخلاص مالي خلق اتفرفر وانا في بالي الف شغله غير الكفر عسى الله يعين ويسهل