دوا القهوه المعتمد بعائلتنا مررره ينظفك تنظييف

مرحبا ياحلوين كيفكم ؟

ماعمري كتبت موضوع وهذا اول موضوع 

جالسه افكر بشي فادني مره لان صراحه ودي افيدكم مثل مااستفدت من مواضيعكم

فيه دوا اسمه دوا القهوه دايم اشوف اختي وخالاتي يستخدمونه بالنفاس تجيبه لهم جدتي من العطار المهم انا صرت اخذه وقت الدوره من قبل زواجي واستمريت عليه لانه عجبني اقسم بالله يابنات اول ماشربته حسيت بشي اسوووود مرره وحثل كانه اكرمكم الله ينزل مني فقلت لماما وخفت قالت بالعكس نزل الوساخه الي متجمعه فيك
وصرت كل دوره استخدمه حتى بعد الزواج
ممكن تستخدمينه من اول يوم بس انا اركز عليه من خامس يووم لانه ابيها تخلص بسرعه
اقسم لكم بالله هالاسود ماينزل الا اذا شربته يعني مرره كويس واظل اشرب اشرب لحد ماحس اني طهرت خلاص

احس طولت عليكم  بقول المكونات <<الحرمه لاثرثرت ماتنعطى وجه^_^

كمون 
قرفه 
نانخه
قشر قهوه
شمر
عويدي
محلب
يانسون

تطحنينهم وتخلطينهم بكميات متساويه
وتحطينه بفنجالك وتصبين فوقه قهوتك وتتقهوين وبس ...
 



وفيه شي ثاني حلو من استخدمته وانا الام ظهري خافه كان في ظهري زي الكوره تعور ولما استخدمته والله خف قبل مع كل دوره يعذبني قالت ماما لانه سدد ونزل 
هذي الخلطه اخذتها من النت
 وهذي هي اقتباسها 

(((((( هذي وصفة لتنظيف الرحم من السدد وهو ما يمنع الحمل غالبا لدى المرأة لانه الرحم لازم يكون نظيف ومهيأ لتتم عمليه التلقيح 

الوصفه عبارة عن مقادير متساويه من ( محلب, عنزروت, مرة) اخلطيهم سواء وخليهم بعلبه وخوذي منهم أيام الدورة مقدار ملعقة بالفم اول شي الصباح قبل الاكل 

كرري العمليه لمدة 3 اشهر في كل دورة مع الدعاء واذا تحبين ممكن تاخذين معلقه ثانيه بعد المغرب ولا بالليل بس على الجوع افضل

وان ما حملتي بعدها معناه ان السبب ماهو من الرحم لكن غالبا عضوي ... راجعي الطبيبه 

ترى الوصفة مجربه من اكثر من وحده وكلهم ما شاء الله حملوا :24: وممكن تستخدم عادي لتنظيف الرحم بس عاد انتبهي باخذ الموانع علشان ما تحملين)))))



نفس المنقوعه الي بمويه الي بنظام فيافي والي حكت عنهااختي قشر قهوه بس حسيت هذي فادتني اكثررر لانها سف  طعمها مررره شين بس نتحمل عادي...!!!


لاتنسوني من دعواتكم حبايبي ان الله يتمم حملي ويرزقني الذكر السليم المعافى وان يصلح لي زوجي ويجعلني في عينه الوحيده
والي ماينفع لاتدعي علي قسم بالله ودنا نفيد بس صرنا نخاف من دعاوي البنات بعضهم الله يهديهم لامانفع دعت والله اني اقول الي
مجربته وفادني انا وعائلتي وان شاء الله يفيدكم ...!!! 
لاتنسووون الاهتمام معه من كل النواااحي ..