دورات تجميل في الرياض

بسم الله الرحمن الرحيم



هلا بنات حواء ... بدخل في الموضوع دغري :hahaha:


بنات كلكم تعرفون المشاغل وغثاها وزحمتها خاصة في مواسم الزواجات ...


ولد عمي تزوج الاسبوع اللي فات ورحت لكوافيرة بغى ينفجر عندي الضغط :mad: زحمة غير طبيعية وفوق هذا الأخت الكوافيرة عندها مناسبة فجابت كل قريباتها وبدت فيهم واحنا لطعتنا الين آخر شي :mad:


وفوق هذا صاحبة المشغل مارضيت ترجع لنا فلوسنا علشان نشوف لنا مشغل ثاني تقول تعالوا يوم ثاني وخلوا فلوسكم عندي ...


قسما بالله بغيت أعطيها بوقس على عينها أخليها تزرق زي الأفلام المصرية .. وش ذا غثونا الله يغثهم سرقة عيني عينك:44:


يعني يا تآكلين تبن وتصبرين لين يخلص الزواج حقك وانتي تستنينهم بالمشغل يتكرمون ويعطفون عليك وفي الأخير تطلعين غير راضية عن نفسك ... يامافي فلوس:mad:


المهم يابنات قررت اني آخذ دورة تجميل وأريح نفسي من المشاغل ونصبهم وغثاهم وقرفهم ..


بنات الله يسعدكم ساعدوني مين تعرف معاهد أو مشاغل بالرياض تسوي دورات تجميل ألحقوني فيهم الله يرضى عليكم :44: