بسم الله الرحمن الرحيم
سبحان الله وبحمده سبحان الله العظيم
نبدا نفتح ملف التطريز انهارده
صحيح اتاخرت عليكم لكن ظروفى وظروف شغلى صعبه جدا جدا
رجاء الدعاء بالبركه للوقت
ويارب اقدر اوصل ولو بعض من المعلومات الى تفيد اى اخت
عند دخولها عالم التطريز الواسع جدا جدا
انهارده مش بعرض غرز التطريز
التطريز له اكثر من 38 غرزه مشروحين فى مواضيع لى
ومواضيع الاخوات ولهم فيديو شرح فى موضوع لى ايضا
وكل هذا مثبت فى الفهرس
بدايه انا بهدى الموضوع هذا للاخت جنى 43
بعتت لى على الخاص كتير
بتسال عن المفارش السورى
وكنت بمنع نفسى من الرد لان الرد بحوره واسعه جدا
ولكن فى النهايه ربنا اراد ان ابدا الدوره هذه
وهذه الدوره حتفيدنا جدا لعشاق المفارس السورى
فى الدوره حنعرض لافكار كتير وطرق كتير
من كتر كبر الموضوع عندى وانا بحمل فى صور من زمان
قولت استنى لما اخلص تحميل صور
لكن رجعت قلت ابدا وربنا المعين يارب
اهم حاجه فى الدوره تعلم شغل الخشخان
او الخيوط المعدنيه والخيوط المدهب
نتعرف على البدايه لاى شغل تطريز عامه
الشغل اما ان يكون على اطواق
واما ان يكون على النول
وتعالوا نتعرف على شد النول
وهذا الاسلوب فى الخارج هو اهم من الاطواق
لان الشد على النول هو الشغل الصحيح
نحضر نول خشب
نحضر الرسمه الى حنشتغلها
نجيب قماش كتان
ونحدد عليه مقاس النول ونحدد الطول والعرض
ونزود عليه من الخارج قماش زياده هنا فى الرسمه مزود بوصه ونصف
نبدا نقص القماش هنا
على نسيج الخيط بالضبط
يعنى نمشى على الفتله الواحده من اولها لاخرها