SmartDesign
بارك الله فيك ....مشكوره بس نيوهورايزن ما أدري ليـــــــه ما ارتاح له !!!

____________

نيوهورايزن نقدر نقول عليه
احتقاري للحرامي..

Designer

والله اضحكني ردك ........معليش سامحيني بس تكفين واللي يسلمك سبق ودرستي في معهد ؟؟

شكلك ماخذه موقف منهم !!!

ويجزيك اختي
اعذريني تو انتبه للموضوع لاني انشغلت بالدوره اللي في الموقع


مدة دراستي سنتين
وخلصت سنه وباقي سنه انشالله اخلصها وارتاح


والله انا سمعت بس سمع انهم لوعندك خبره قبل يختبرونك ويعطونك شهاده
لكن يختبرونك ويشوفون اللي تحتاجين مدري مااظن
والتعليم جماعي
بس شوفي انصحك بالعالميه


هذاي جاوبت بس تاخرت اسفه وياليت افدتك اختي



بس حنا وش دخلنا هذا اللي باقي يحطون الحره فينا :(




اختي الله يوفقك وينولك ماتتمنين

شوفي يا غاليه
لي تجارب معهم مهوب تجربه وحده تجارب اللهم يا كافي تخليك تنحاشين والله ثم والله لو ما أنهم المركز الوحيد للامتحانات الدوليه ما رحت لهم

اول تجربه كانت كورس مهم مدته 7 ايام بكم بـــ 1500 ريال
طبعاً قبل اكثر من سنتين
المدربه كانت بعض الايام ما تشرف الا اربع وربع اربع ونص واذا جات خمس ناخذ بريك يا بنات
الكورس كله ساعتين والبنات كبار ونقول لها لا نبي نكمل تجي وتطقها بوجيهنا لا دنا عاوزه اروح لغرفه المدربات اقيب حاقه..وعلى كلامها عشر دقايق وتصير عشرين
الاجهزه كانت رديئه بالنسبه للكورس يعنى الكورس يعتمد اعتماد كلي على الجهاز تصدقي بالله ان نصف اجهزه المعمل عطلانه واحيانا نصير ثنتين نشتغل على الجهاز
بعدين هذيك المدربه في حياتي ما شفت مثلها تقول دنا بشرح اول مره ومش حعيد مره ثانيه لانها في المره الثانيه تطلع غير المره الاولى - يعنى الاخت حافظه مهيب فاهمه الماده اللي تدربها
طبعا من اول الكورس الى اخره كل مره والثانيه تجيك وحده من التسجيل ولا من خدمه العملاء تنادي على البنات يبغونهم ويقطعون علينا خمس دقايق - طيب تعالي قبل ما يبدى الكورس ولا بعد ما ينتهي مهوب كل شوي طاقين الباب - يعنى بصراحه سيرفس تعبان.
واخر شي جايبن لنا ورقه ملاحظات عشان نقيم الكورس يا انا ضحكت عليهم وش ذا
وخوذي في بالك الكورس 6 ايام تشرح المدربه والسابع الامتحان يعنى ضمن الكورس والصراحه ما شرحت .
اللي في خدمه العملاء اعتبرها تخدع الناس جت اول ما سألت عن الكورس والله وترز لي كتاب الكورس وتقول المدربه راح تغطي كل فصل بشكل عام والمدربه ولا جابت سيرته. طيب وش نسوي فيه تقول مكمل للكورس
كان كورس ردئ بمعنى الكلمه ومن بعدها حرمت ادخل كورس
يعنى افضل معهد في المملكة يطلع بالشكل البايخ هذا..ما ادري شركه نيوهورايزن الام تدري عن اللي يصير ولا لا..
هذا غير الخدمه التعبانه والرسوم العاليه للكورسات
وخذي في بالك لو تبين تاخذين دبلوم عندها لازم تدفعين ثلث الدبلوم قبل ما تبدين تدرسين..عشان تتورطين وتكملين
من ناحيه المواد ككتب تعليميه هم الاقوى لكن المدربات بعضهم ما عندك احد وخدمه العملاء ما يتعاونون معك يعنى يا تدفعين كورس كامل او دبلوم ولا ما يخدمونك.
ما ودي احبطك بس تجاربي معهم وتجارب بنات اعرفهم ما اشجعك ابدا تسجلين عندهم ابدا والمعاهد الباقيه ما ازكيها عن نيوهورايزن لكن عموما معاهدنا هنا سيئه

اذا انتي تدورين على شهاده في الصيف شوفي
انا شريت كتب خاصه بشهاده ICDL اللي شهاده معتمده دوليه ويسمونها الرخصة الدولية لقياده الحاسب الالي ( الاسم زحمه شوي بس مشي حالك)
ذاكرت الكتب في البيت ورحت امتحن عند مركز معتمد للامتحان ( مع الاسف الشديد نيوهورايزن مره ثانيه)
طبعا كلها على بعضها كلفتني 700 ريال 200 الكتب و 500 رسوم الامتحان ( الرسوم 490 بس المركز ياخذ 10 زياده ) اللحين مسوين عرض دوره تدريب الــ ICDL تقريبا بــ 3000
يعنى اذا انتي عندك انترنت وتكتبي في المنتدى يعنى عندك خلفيه عنى الكمبيوتر شوي ان شاء الله تقدري تحصلي الشهاده بدون ما تدخلي المركز
فيه موضوع هنا في المنتدى عن الشهاده
حملي المواد واقريها http://forum.hawaaworld.com/showthread.php?t=340733
وعلى قولتهم انتي الحكم
بالتوفيق