دورة ادخال البيانات ومعالجة النصوص مرعـبـتـنـي اختبارها ساعدوني

لو تقصدين إختبار المؤسسه (مو إختبار المعهد اللي درستي فيه) سبق جربته وبقول لك اللي صار معي ..
:
:

في البدايه يدخلونك معمل كله أجهزة حاسب عشان إختبار الطباعه

يسلمونك ورقه ومحددين هم وقت للطباعه ..

لاحظت إنهم مايدققون على وضعية يدك كيف على الكيبورد يهمهم وش كثر تكتبين وهل فيه أخطاء أو لا

وأهم شي لازم تنتبهين لنقطه

إذا سلموك الورقه اللي بتطبعينها بينبهون عليك إنه مثلا انتهى السطر الاول عند كلمة مثلا إختبارات

تسوين مثله وتخلين السطر ينتهي بكلمة إختبارات وتضغطين إنتر وتنزلين سطر مو تستمرين بالطباعه إلى إنه ينزلك للسطر الثاني تلقائي ..

ولو أنتي سريعه بالطباعه وخلصتي ورقتهم اللي هم طالبين منك كتابتها إرجعي عيدي كتابتها من جديد إلى إنه يخلص الوقت ..
_______________

بعد ماتخلصين من هالإختبار بيخلونك تختبرين في معمل ثاني

في البدايه بيخلونك تطبعين لك شوي

وبعدها بيسلمونك ورقه فيها أسئله صح وخطأ واختياري ..وفي الوجه الثاني من الورقه يطلبون منك تنفذين برنامجين من 3 هم حاطينها

يعني مثلا يعطونك 3 أسئله واحد تطبقينها على الوورد والثاني على الأكسل والثالث الأكسس

يقولون إختاري برنامجين وطبقيهن ..اللي كانوا طالبينه جدا سهل ..وماياخذ وقت يعني ماحطوا أسئله كثيره تشمل أغلب الوورد أو الأكسل أو الأكسس .. فقط جزئيه بسيطه مثلا كانوا حاطين لك شكل في الوورد وتكتبين كلام من سطر طبعا هم منسقينه بطريقه معينه تحاولين تعرفين هم وش استخدموا في تنسيق هالكلام وتطبقينه ..

الله يبارك فيك اختي

اي انا قصدي اختبار المؤسسة

يعني صادقين يهمهم الوورد والاكسيل والاكسس

الله يعنا بس

اللي عندة اي معلومات ثانية يفيدنا الله يبارك فيكم

http://www.pt.gotevot.edu.sa/trainingforms/TestForms.htm

هنا نماذج من الاختبار الله يوفقنا اجمعين

عزيزتي اختي معلمه حاسب تقول اكثر شي يهتمون فيه الطباعه ومدى سرعتك

وركزي على تصميم الجداول وانماط الخطوط اللي في الوورد

والله يوفقك يارب,

تسلمين خيتو بارك الله فيك