يمكنك ان تصبحي عضوه معطاءه في عالمك
فقط زوري الرابط التالي .
كوني مدريه وعضوه معطاءه في عالمك .
بسم الله الرحمن الرحيم
السلام عليكم و رحمة الله و بركاته
اللهم صلِ على محمد و آل محمد الطيبين الطاهرين
في عالم الكروشيه الباترونات تنقسم الى نوعين الباترونات المرسومة و اللي تكون اكثر شي متداولة في المنتدى
و النوع الثاني الا هي المكتوبة و تكون عادة باللغة الانجليزية و قليل اذا نشوف باترونات مكتوبة بالمنتدى
و خصوصا ان البعض يطلبون الترجمة
مع ان هذي الباترونات لا تقل جمالا عن الباترونات المرسومة
لان وعلى بساطتها نقدر نسوي اشياء روعة مثل الباترونات المرسومة
و بما ان عندي مواقع فيها هذا النوع من الباترون
فحبيت ان نتشارك مع بعض و نترجم هالباترونات
و قبل لا نبدأ حبيت أحط لكم شعار الدورة
حتى اللي تبي تشارك وياي تحطه في توقيعها
اليوم احب ابدأ وياكم مثل ما قلت بقبعة و اتمنى تكون بسيطة عليكم
و اني من قبل سويت وحدة مشابهة و كملتها في يوم واحد بس
يعني سهلة حدها :35:
و اتمنى من الكل يطبق
لان مجرد المشاهدة فقط من غير التطبيق ما راح تتعلمين شي >> مثلي اني :angry: ههههه
برزوا خيوطكم و الابر و جهزوا نفسكم حتى نغوص مع بعض في الباترونات هههههههه
و الصراحة الدورة بتشجعني اني اشتغل وياكم لاني احب شي اسمه قبعات و بطبق وياكم اللي اقدر اعليه حتى اني استفيد بعد
و هدفي من الدورة /
ترجمة اكثر عدد من الباترونات المكتوبة باللغة الانجليزية مع التطبيق.
الدورة بتبدي من اليوم باذن الله
و الباترونات راح انزلها على أجزاء على حسب طولها
و راح افتح موضوع فقط كفهرس للدورة فالرجاء ان ماحد يرد فيه ,, و اللي عندها اي استفسار تحطه هني ,,,
القبعة في الرد الثاني
فلا احد يرد حتى اكمل حتى يكون الموضوع متتابع ..
--------------------------------------------
و تناسب المبتدئات
أولا نبتدي في مشاهدة بعض الصور للقبعة
المطلوب للقبعة
خيوط قطن او صوف على حسب اللي تفضلينه
على حسب خبرتي في القبعات هههه نحتاج الى 100 غرام تقريبا او على حسب الخيط
ابرة مقاس 6.5 ملم طبعا على حسب اللي عندش
في الموقع كانوا اللي لابسينها تناسب الكبار
و بحجم 4 ملم تناسب بسن 3 او 4 سنين
اذكر لما سويت اللي تشبهها كانت حجم الابرة 3.5 لان ما عندي الا هي فصارت تناسب لحجم سنة
مع ان حسيت انها صغيرة
و نبتدي في الباترون
بسم الله
أولا الدائرة
في البداية نشتغل 5 سلاسل ... و بعدين منزلقة في اول سلسلة حتى نكون حلقة
السطر الاول/
نشتغل سلسلتين (نعتبرهم كاول عمود ) ,, و نشتغل 11 عمود في الحلقة ,,
و بعدين نشتغل منزلقة في السلسلة لثانية حتى نغلق الدائرة
( صار عندنا 12 عمود ) >> حتى تتاكدون من شغلكم اذا صح لازم يطلع ليكم 11 عمود في الدائرة و مع السلسلتين اللي نحسبهم كعمود فالجميع 12
السطر الثاني/
نشتغل 3 سلاسل ( نعتبرهم كاول عمود و بعدين نشتغل سلسلة زيادة )
* في الغرزة اللي بعدها نشغل عمود و سلسلة *
و نكرر اللي بين النجوم ** حتى نخلص السطر
و نقفل بغرزة منزلقة بعد في السلسلة الثانية ,, ( بصير عندنا 24 غرزة )
راح تلاحظون انه ما بين كل عمود في سلسلة فراغ
السطر الثالث/
سلسلتين .. و نشتغل عمودين في فراغ السلسلة ,,
* عمود في الغرزة اللي بعدها ( العمود من السطر السابق) + عمودين في الفراغ *
و نكرر و في اخر السطر منزلقة في السلسلة الثانية حتى نقفل الدائرة ( 36 غرزة )
السطر الرابع/
سلسلتين ( اول عمود ) ,, عمود في الغرزتين التاليتين ,, و نشتغل سلسلة
* عمود في الغرز الثلاث التالية ,, و سلسلة *
نكرر لاخر السطر و نقفل بمنزلقة في السلسلة الثانية ,,, ( 48 غرزة )
السطر الخامس/
سلسلتين ( اول عمود ) ,, عمود في كل من الغرزتين التاليتين ,,
و نشتغل عمودين في الفراغ ( فراغ السلسلة )
* عمود في كل غرزة من الغرز الثلاث التالية ( يعني 3 اعمدة كل عمود في غرزة ) .. و عمودين في فراغ السلسلة *
و نكرر للاخير ,, و نقفل في ثاني سلسلة ,, ( 60 غرزة )
السطر السادس/ نسيته*
اللي يبي القبعة تناسب الاطفال او صغار السن يوقف هني ,, اما اللي يبي لحجم اكبر يكمل السطر السادس ,,
سلسلتين ,, بعدين نشتغل عمود في الثلاث غرزة التالية ,,
* نشتغل عمودين في العمود التالي ,, و عمود في الغرز الاربع التالية *
نكرر لاخر السطر ,, و نشتغل عمودين في اخر غرزة عمود من السطر ,,
و غرزة منزلقة في ثاني سلسلة حتى نقفل الدائرة ( 72 غرزة )
الا هني بنوقف و اتمنى اشوف تطبيقاتكم :27:
حتى نكمل الشرح و اذا مو فاهمين لا يرد الا الكيبورد ,,
تصبحون على خير ههههه :27: