عبدالرحمن الحرمي هو مقدم برنامج (كيف اصبحت )في اذاعة القران الكريم (قطر) يوميا الساعه 6 صباحا
وبرنامج( بروا ابنائكم )ماعرف الوقت بس الاعاده كل خميس الساعه 10 صباحا

وهالكلام عجبني وايد والحمدلله انا وزوجي اتبعنا هالطريقه مع عيالنا

يجب ان نغذي السلوكيات الحسنه لدى ابنائنا ولا يجب ان نقول يفترض انهم يعرفون
يقول الطفل ماعنده افتراض
يعني الابو شاف صديقه وسلم عليه وكلمه ولا قدم ابنه لصديقه والسبب يقول يفترض انه يسلم من نفسه من غير ماعلمه !!!!!!!!!
يقول انت المفروض تقدم ولدك لصديقك وتناديه باسمه او بكنيته

وقال ان احنا اللي نصنف عيالنا في الحياه
وانهم رقم واحد او 2 في الحياه
يقول اذا انت قعدت تنادي ولدك يالغبي يالغبي هو خلاص مستحيل يشغل مخه لانه صنف من الاهل بانه غبي او اخلاقه سيئه او او
قال مثال عن مجموعة طلاب كانوا متعبين المدرسات وطلبوا منه يكلمهم
هالطلاب مسمين نفسهم الشله الفاشله ولهم شعار خنجر ومكتوب داخله الشله الفاشله
يقول لهم قوانين واعضاء اداره واعضاء صغار
ولهم ورقه سريه
كاتبين فيها اسم العضو واسم امه ليش ؟؟؟؟؟ يقول عشان اذا واحد قرر ينسحب
يهددونه (شوفوا التفكير)
وسالهم ليش سموا نفسهم بالشله الفاشله
قالوا انهم مره كانوا مجتمعين مرت الاخصائيه وقالت لهم انتوا يالشله الفاشله عجبهم الاسم ومن عقبها سووا هالمجموعه

وهذا كلام اختي الغاليه ( ام نونيه) الله يجزيها خير ماشاء الله انسانه مهتمه ببيتها وعيالها الله يوفقهم يارب ويجعلهم من الابناء البارين بها

أصلح مابينك وبين الله
يصلح الله مابينك وبين العباد

وماننسى ...ابدأ بنفسك ثم بمن تعول...
مستحيل نغير العالم كلنا...
بس لما نبدا من البيت نقدر شوي شوي نغير.
.اذا تبين تعلمين عيالج سلوك صحيح او تلغين الغلط
ابدي علمي نفسج....

ان شاء الله اني ما ازعجتكم بردودي الطويله
ونشوفكم بكره باذن الله تعالى