انوثة كاملة :

اختى لؤلؤة السما انا مازلت فى بداية قراءة الدورة ولكنى حبيت اشارك واستشيرك فى امر ما انا يا اختى قبل الزواج طبعا تمنيت انى اربى ابنائى على كل اسس التربية الصحيحةوالله رزقنى الان ب3 اطفال ما شاء الله لاقوة الا بالله مشكلتى انى عصبية واحيانا عصبيتى تكون جنونية واتصرف تصرفات اندم عليها بعدين ولكن بعد ما بدات بقراءة الدورة حاسة ان عصبيتى خفت شوية وبحاول امسك نفسى لكن لما بانضغط مرة ورا مرة من عيالى ساعات بانفجر وممكن اضربهم وساعات ضرب جامد لكن باحاول انى اهدا وافتكر ان هما اطفال ولازم يغلطوا خصوصا انهم صغيرين قوى وافتكر كظم الغيظ وان ربنا هيحاسبنى على اى حاجة اعملها معاهم زوجى يا اختى كان هادى جدا ولو بس اتعصبت على العيال كان بيزعل منى وممكن يتخانق معاية لكن دلوقتى بقى هوة اللى بيضرب كتير وانا اللى باهديه واحاول ابعد العيال عنه وبيقول ان مش هيجيب معاهم نتيجة الا الضرب (على الرغم انه مش جايب اى نتيجة فى اى حاجة) المهم بقيت احس انه شوية احنا مش ماشيين بسياسة تربوية واحدة وبقى مش مقتنع باى حاجة اقراها واحكيها له فهل ده هياثر ع العيال؟ انا باقول لنفسى انا اعمل اللى علية واكيد هيجيب نتيجة حتى لو حصلت لخبطة من ناحيته اهو احسن ما نلخبط احنا الاتنين وبقول هوة لما يشوفنى باتصرف بهدوء معاهم اكيد هيتاثر المشكلة التالتة اللى عندى انى خلفت عيالى التلاتة ورا بعض بنتى عندها 3 سنين والتانية سنة و8 شهور وابنى عمره شهر ماشاء الله ربنا يحفظهم المهم حاسة ان بنتى المتوسطة اتظلمت كتير وهية صغيرة اولا لما اتولدت ما كانتش بجمال اختها والكل ما اتعلقش بيها من وهية صغيرة حتى انا وابوها ما اتعلقناش بيها غير لما كبرت وحتى لو حبينا ندلعها كنا بنخاف اختها الكبيرة تغير فما خدتش حقها من الدلع وهية بيبى وكنت بتحطها دايما فى الاوضة لوحدها واقفل عليها بعد ما ارضعها خوفا ان اختها تاذيها خصوصا انها كانت صغيرة قوى(الكبيرة) وكنت حاسة ان فيه ضغط كبير علية الكل كان بيتمنى انى اجيب ولد وجت بنت والكل يقول دى شكلها صينية دى عندها مش عارف ايه لان كان شكلها غريب وانا كنت مصدومة انى من سنتين كنت بنوتة باجرى واتنطط ودلوقتى بقيت ام لطفلتين فكنت وهية صغيرة باتعصب عليها لو صحتنى باليل مثلاوحاسة دلوقتى بتانيب ضمير جدا ومش عارفة اصلح اللى عملته ازاى يا اختى ما تقولى ليش انى غلطانة لانى عارفة كويس قوى انى غلط معاها وهية صغيرة قوى وكنت باقول مش فاهمة على الرغم انى عارفة ان الطفل بيحس وبيفهم كل حاجة من وهوة جنين لكن تقريبا بعد ما كملت ست او سبع شهور هية زهقت واعترضت على انها لوحدها فى الاوضة وبقيت اشيلها واقعد بيها فى الصالة وساعتها اتعلقت بيها كتير غير لما كنت ارضعها واحطها فى السرير واجرى اشوف وراية ايه وبعدين حملت فى اخوها وولدت وده ظلم تانى وقع عليها ودلوقتى ابوها بيضربها مع اختها لو ضربهم لكن انا حاسة انى فيه تصرفات لاختهاكنت مش باتحملها دلوقتى بقيت باتحملها منها واحس انه طبيعى شوية بقى عندى خبرة وبادلعها كتييييييييير كتييييييييييييييير وبموت فيها ونفسى اعوض اى حاجة قصرت فيها فى حقها عشا تطلع سوية نفسيا وتحبنى وتتعلق بية فهل ممكن اعوض واصلح اى غلط طولت عليكى انا عارفة اتفتحت بس انتى قلتى اللى عندها مشكلة تكتبها المهم اخر حاجة انى وانا حامل فى ابنى كنت بافكر كتير وكنت مضغوطة وخايفة ليكون اللى فى بطنى بنت مش لانى باكره البنات بالعكس انا كنت خايفة ليكون بنت فاضطر انى احمل تانى بسرعة وانا حاسة نفسى ارهت حمل ورا حمل ورا حمل حاسة انى جبت اخرى وخصوصا انى ما عرفتش انه ولد غير بعد ما ولدت فهل ده ياثر عليه فى حاجة لان الجنين بيحس وكمان كنت فى اخر ايام الحمل عصبية وبازعق كتير؟ ودلوقتى انا بقيت مستوعبة ان الطفل بيحس بكل حاجة فباحكى مع ابنى وباكلمه وكتير كتير رقيقة معاه فى التعامل وبافتكر ازاى كنت متجاهلة بنتى المتوسطة وهية فى السن ده وحتى انها كانت بتنام فى الاوضة لوحدها ولو عيطت باقوم ارضعها من وهية صغيرة قوى بابكى وازعل عشانها عارفة انى بانب نفسى كتير بس عايزة اعرف هل التعويض دلوقتى هيعوض اللى فات ولا لا مشكوووووووووووووورة اختى ولى عودة حتى اجيب على الاستبيانة واعرف درجتى اتمنى تردى علية وتدعى لى انى اربى ولادى تربية مثالية 9

اختى لؤلؤة السما انا مازلت فى بداية قراءة الدورة ولكنى حبيت اشارك واستشيرك فى امر ما انا يا اختى...

جمان1429 :

المشاركة الأصلية كتبت بواسطة لؤلؤة السما اختى افضل ان تبداء مع اطفال بمستواها اذا طفلتك دخلت وندمجت عادى ماعندها مشكله خليها تستمر معهم وانت تابيعها المهم المعلمه تابع معها يعنى ماتشعرها انها اقل من الاطفال واى استفسار عن الروضه انا حاضره بالنسبه للكتابه اشرحيلى طريقتك كيف تعلميها مسك القلم شوفى اختى اذا ابتك ليس لديها خبره طبقى معها البرتقاله لتتعلم التركيز وانا معاك باى استفسار

المشاركة الأصلية كتبت بواسطة لؤلؤة السما اختى افضل ان تبداء مع اطفال بمستواها اذا طفلتك دخلت...

لؤلؤة السما :

[QUOTE=جمان1429;42305949]المشاركة الأصلية كتبت بواسطة لؤلؤة السما [URL="http://forum.hawaaworld.com/showthread.php?p=42279963#post42279963"][/UR اختى الغاليه اول اكبر خطا بحق نفسك انك دائما تقول انك لاتستطيع عمل شئ وانا لسة متفقه معك فانت جالسه تحطمى من ذاتك فعليك ان تبداء بتغير وانت تتحدثى لنفسك بدل الاحباط التشجيع وطبعا فى ناس رب العالمين عطاهم موهبه ولاكن مافى شئ يجى بدون تعب كل انسان عليه ان يجتهد على نفسه ليتعب اما عن طفلتك طبعا الشئ الطبيعى انها تحفظ مع الفصل وهاد الصحيح اما انها مقصره راح قلك الحل عليك التحدث مع طفلتك وخبارها بان الطفل سبقوها ببعض سور القران وانها بستطاعتها ان تكون شاطره وتجتاز التقصير عليك سوال المعلمه السوره هل تضع لها اسبوع او اسبوعيبن لحفظ السوره ممكن تكتب لى ماهى السور التى لم تحضرها طفلتك مع الروضه ام عن طريقة تعلم طفلتك الكتابه راح كون معك على الخاص

[QUOTE=جمان1429;42305949]المشاركة الأصلية كتبت بواسطة لؤلؤة السما...

SONDS. :

السلام عليكم جزاكي الله خير اختي لؤلؤ السما اريد ان اقول لكي انني بديت بصندوق البريد اجتمعنا كلنا وجلدنا الصندوق وزيناه وكل اولادي اشتركوا في التزين حتى الصغار وحتى لا يكون حساسيه من نختار اول عملنا قرعه من الى نكتب له اولان واشترك زوجي معنا وكان مشجع للفكره ويكتب معنا صراحه لم اتوقع هلنتيجه من الاولاد الكل يستنا دوره بفارغ الصبر وارى الفرحه على وجه من نكتب له وخاصه حين نكتب انا وابيهم اريد ان اسئلك اختى هل حين ننتهي من الكتابه للكل خلص ولا نبداء من جديد او نستنا اسبوع ونرجع للكتابه واشكرك من كل قلبي ولكي مني اجمل الدعوات نسيت ان اقول لكي اننا مستمرين في حلقة الذكر وانني ارى التحضير بشكل جيد لمن عليه الدور في شرح حديث

السلام عليكم جزاكي الله خير اختي لؤلؤ السما اريد ان اقول لكي انني بديت بصندوق البريد ...