ام عزوز 123 :

الله يعطيكي العافية

الله يعطيكي العافية

don :

اهلا بيكى ونورتى ملفنا انا حرد عليكى علشان لو مستعجله لكن انا كنت حقولها فى اللحوم عموما اقليها وهى مجمده ولكن من الافضل لو خلتيها تفك من التلج حاجة بسيطة علشان اطرافها متنشفش منك حقولهالكم كلها ان شاءالله اسئلى زى ما انتى عاوزة الفويل زى ما شرحتلك طير الحرم جزاها الله كل خير واسمه برضه ورق الومنيوم وعموما دى صورته من عنيا حفوله والله فى الخضار انا بكتب كل يوم ساعات مره او مرتين فى اليوم ايه رأيك لما اخلص احسن يا بسمة واكيد حتلاقى اسئلتك حتتقال وان مفلتهاش يبقى اسئليها خير وبركه يمكن اكون نسيت اقول حاجة علشان البنات تستفيد حقولها مع الخضار يا حبيبتى بصى يا ست الكل انا اقصد الحله او الكزارول او الكسرونة اى واحدة من اللى موجودين فى الصورة انك تضعى غيها ورقة الومنيوم وكأنك بتبطنى الحله دى تماما من جميع الجوانب الداخليه والقاعده وترصص فيها الاكل المراد تفريزه ( اذا مكنتيش فهمتينى برضه قوليلى وانا انفذهالك من مطبخى واصورها واوريهالك )

اهلا بيكى ونورتى ملفنا انا حرد عليكى علشان لو مستعجله لكن انا كنت حقولها فى اللحوم عموما...

don :

5 طريقة تجميد المرقة (الشوربة – الحساء ) اذا تبقى عندك مرقه من اللحم او الدجاج اتركيها لحد ماتبرد خالص وبعدين ضعيها فى التلاجة بس غطيها طبعا حتلاحظى ان الدهون اللى فيها طفيت على سطخ المرقه وعملت زى طبقه مستديرة اوعى تنزعيها الا لما تيجى تستخدمى المرقه لان الطبقة دى بتعمل عازل بين الهواء وبين المرقه ودة يخليها ماتفسدش بسرعه ولما تيجى تستخدمى المرقه ابقى انزعى طبقة الدسم بالمعلقه اما اذا كنتى ناوية متيتخدميش المرقه اكتر من اسبوع يبفى طلعى المرقه كل يومين واغليها او ضعيها من الاول بقى فى الفريزر وريحى نفسك من حكايه الغلى كل يومين

5 طريقة تجميد المرقة (الشوربة – الحساء ) اذا تبقى عندك مرقه من اللحم او الدجاج اتركيها لحد...

don :

تجميد اللحوم عندنا طريقتين للاحتفاظ باللحمة 1- طريفة الحفظ بالتبريد 2- طريقة الحفظ بالتجميد الحفظ بالتبريد دى معناها انك لما تشترى اللحمة وحتطبخيها على طول يعنى فى خلال يومين تلاتة بسسسس فتعملى ايه ؟ بدل ماتدخليها الفريزر وتطلعيها تانى بعد يوم او يومين تروحى حطاها على رف التلاجة اللى تحت الفريزر على طول لان الرف ده بيكون ابرد مكان بعد الغريزر على طول تحطى اللحمة او الطيور او الاسماك بس على فكرة حاولى تخلى اللحمة فطع كبيرة لانها بتستحمل اكتر فى التبريد عن اللحمة المفرومة مثلا 2- طريقة الحفظ بالتجميد بتكون افضل طريقة بس خلى بالك لما تضعى اللحمة فى الفريزر للتجميد بيكون الفترة لا تذيد من اسبوعين لشهر لكن لو حتجمديها فى الديب فريزر حتكون مدتها عدة شهور ملحوظة :- خلى بالك ان الاكياس تكون مقفوله كويس وتكون اللحمة مفيهاش عضم يقطع الكيس وده لو حصل حتلاقى قطعه اللحمة اللى الكيس فيها كان مفتوح حتلافى لونها اغمق من الحتت التانية بتكون لونها غامق زى المقدده او المحروقة 3- طريقه حفظ اللحمة المسلوقه :- يا اما بعد ماتسلقيها وتبرد تضعيها فى كيس فى الفريزر يا اما بعد ماتبرد تغطى الحله بالعطاء كويس وتستخدميها بعد يوم او يومين بس الكفتة والبورجر ترص وهى نية فى طبق بايركس او فى علبه بلاستيك وبعدين نضعها فى كيس بلاستيك كبير او نحمر الكفتة ونسويها عادى فى صلصة طماطم (داوود باشا مثلا او كفتة الارز) على نار هادية من 3-4 دقايق ونتركها لحد ماتبرد وبعدين نضعها فى البايركس او طاجن وبعدين كيس نايلون وندخلها تجمد ويفضل الاتزيد مدة الحفظ عن شهر الكبيبة بعد ما نعملها وهى نيئة ونرصصها فى صينية بجانب بعضها لحد ماتجمد وبعدين ممكن نسيبها زى ما هى .....او نشيلها ونضعها فى اكياس نايلون ولما نيجى نستخدمها نخليها تفك من التثليج شوية وبعدين نرشها بالمادة الدهنيه و ندخلها الفرن متوسط الحرارة لحد ماتستوى وتحمر

تجميد اللحوم عندنا طريقتين للاحتفاظ باللحمة 1- طريفة الحفظ بالتبريد 2- طريقة الحفظ...