اسمحيلي يا أبلة دينا بالاضافة دي
مساء الخير على الستات الشاطرين
طبعا ترتيب اللحمة ممكن يكون مش جديد عليكم
ولكل ست نظامها وترتيبها وفي ناس بتجيب اللحمة أسبوعيا أو يوميا طازة
وفي ناس زي جوازهم مش فاضيين وبيجيبوا شهريا
علشان كدا برتب اللحمة المفرومة واللحمة القطع الساده (بتاعة الشوربة) واللحمة اللي بعظم
وكله على قد طبختي وعيلتي
علشان اللحمة غلط انك تفرزنيها وتطلعيها تسيح وبعدين ترجعيها الفريزر تاني
يارب تكوني النقطة دي واضحة
ونقطة كمان ماينفعش تطلعي اللحمة تسيح برا لأ حطيها في طيق في التلاجة من بالليل
لأنها كدا بتحتفظ بقيمتها الغذائية
نيجي للترتيب
زي ماقلت او حاجة أنا بقسم اللحمة المفرومة
يعني الكفتة لوحدها
واللحمة بتاعة المكرونة والمسقعة لوحدها
و اللحمة بنفس الطريقة
وفي الآخر بيبقى الفريزر مرتب وعملية الطبخ سهلة وكل حاجة واضحة
ودلوقتي حسيبكم مع الصور
اسمحيلي يا أبلة دينا بالاضافة دي
مساء الخير على الستات الشاطرين
طبعا ترتيب اللحمة ممكن يكون...
صح يا مسك
بيفضل يا ريحانه لان السمك لحمه خفيف عن اللحمة ولو مقفلتيهوش كويس لما تيجى تسويه حتحسى بلحمه كأنه متحلل
لالا يا امانى يادوب كام حتت لحمة على طبق شوربة على كام فراولاية
مش اكتر من يومين انتى عامله كمية قد اية ؟؟؟ وخلى بالك مش اى بطاطس بتتفرز عموما خلصى اللى انتى سلقاهم وحشرحلك بطاطس التفريز
بالنسبة للفريزر الللا بيكون جزء من التلاجة وده للاستعمال اليومى ولعده اشهر بس طبعا ميصلحش قوى ليه للمدد الطويلة لان بتلاقى ايدنا على طول شغاله عليه مرة نطلع تلج ومرة نطلع ميا والاولاد يطلعوا ايس كريم فمع الفتح والقفل البرودة بتاعتة بتتأثر لكن الديب فريزر بيكون مستقل وبنحتفظ فيه بالطعام لاشهر اطول من الفريزر