دورة الخياطه في جمعية ام القرى

مافي ولا رد معقول محد سمع بالدوره

انا سمعت عنو يقولو يعلمو احسن من الخدمة الاجتماعيه ويشددو على الطالبات
عشان يتعلمو بصراحه احس يستاهل تتعلمي فيه
يمدحو كتير وانا كان نفسي اتعلم بس ظروفي ماسمحتلي
وادوات الخياطه ماتكلف كتير
في محل بمكه في حي الششه يبيع اقمشه رخيصه وحلوة واختي كانت تشتري منو
بالبدايه اختي اتعلمت على ورق زبده بعدين صارت تقص بترون على الجرايد
وماشاء الله استفادت كتير عكسي دخلت دورة تجميل بالخدمه الاجتماعيه ولا استفدت
الابله كانت لاهيه عنا ببنات الروضه تفصلهم ملابس وتزبطهم عشان حفلة الروضه
وكانت تخلينا وتنزل ونحن نقعد نسولف
بس اختي علمتهم الخياطه احسن منا
وحده من صحبات اختي درست بمعهد تقول بالعمره تقول تدرس فيها كم سنه
مااذكر بس البنت اختفت واختي تدور العنوان نفسو بس مو محصلتو تبغا تتعلم تصميم فساتين عرايس
اختي تدور على عنوان جمعية ام القرى ياريت تكتبيلي العنوان
اتمنى افدتك بس حاولي تتعلمي عشان تستفيدي وتنمي موهبتك اكتر
عشان ماتندمي بعدين مثلي

مشكوره على مرورك
انا الصراحه ما اعرف بس اسألك اختي وارد ان شاء الله
اختك وين درسة بالضبط والى اي مستوى وصلة يعني وش الي تعرف تفصلوا حاليا بامكانها اي فستان تشوفو تفصلواا

اختي درست بمركز الخدمه الاجتماعيه جنب مسجد بن باز بس دحين نقلو المركز للجموم
درست تلات شهور ماشاء الله تفصل فساتين سهرات واي فستان تشوفو تفصلو متعوده تنزل
موديلات من النت وتفصل مثلو بس تبغا تتعلم اكتر