♥ دورة الفوتوشوب ♥ المرحلة الاخيرة ♥ الدرس 2 ♥

خلفية بالفرش 2 ( من ترجمتي ):

1- ننزل هذه الفرش

فرش 1

فرش 2

ملاحظه : الفرش لاتحتاج الى فك ضغط من اي نوع بس روحي للفوتو وسوي لود وطلعيها

2- نفتح خلفية شفافه بحجم 400*150 ثم نعبيها بلون اسود

3- نختار اي فرشه من المجموعه بلون ابيض ونضغط ضغطه واحده في اي مكان وضغطه ثانيه لفرشه ثانيه بعدين ctrl +u ونحط صح عند colorize ونختار اي لون وبعدين نغير الى مود يعجبكم

4- نكرر الخطوه 3 وبكل مره نختار فرش غير بلون غير ومود غير او ممكن يتكرر المود المهم تكون النتيجه مشابهه لهذه

هذي الليرات اللي سويتها



وهذي النتيجة



5- نفتح لاير جديد ونلونه بالابيض

لحد هني انتهى الدرس بالنسبة لي لاني طبقت مثل ماذكر صاحب الدرس بالضبط ومع هذا ماطلعت نفس النتيجه واحس انه غلط فاسمحولي اكمل الدرس من عقلي


6- نختار لون ابيض ونختار 5 فرش مختلفه كل فرشه ضغطه وحده بس بعدين ctrl +u ونختار اي لون



7-نغير مود الفرشه الى اي مود يعجبكم وانا اخترت هذول





طبعا النتيجه تعتمد على الالوان والمودات وشكل الفرش

وهذه نتيجة صاحب الدرس اللي ترجمته




الدمج بطريقة احترافيه

للامانه هذي الطريقه منقوله بس مااذكر من وين لانها من زمان عندي ولاني قليل ادخل مواقع عربيه
وهي تصلح لاي دمج على اي صورة وبرايي انها من اروع طرق الدمج بعد القص
وعقب ماتعرفونها بتخلون كل طرق الدمج العاديه

1- نفتح الصوره ونحولها الى اسود وابيض مثل ماتعلمنا في الدرس الاول shift + ctrl +u

2- نسحبها للخلفيه اللي نبي ندمجها معاها .. طبعا في الحاله هذي قبل لااسحب الصوره ادمج كل اللايرات عشان تتحول الى صورة وحده يسهل التحكم فيها

3- انا كبرت الخلفيه شوي عشان يبين الدمج بس انتو اذا سويتوها لاتكبرونها بس لاني حبيت اوريكم الدمج بشكل اوضح



4- نمسح اطرافها بالممحاة شبه الشفافه وتكون بحجم مناسب للاطراف

5- نغير مود الصوره الى overlay



الصورة متحركه

6- نضاعف الخلفيه عن طريق ctrl +j ونطبق فلتر gauassian blur على الخلفيه المضاعفه بقيمة كبيره الى ان تختفي الصوره مثلا قيمة 60



7- نمسح الخلفيه اللي طبقنا عليها الفلتر ماعدا الجزء اللي فوق الصوره



8- نضاعف لاير الصوره عن طريق ctrl +j عشان يكون اوضح

هذا شكل اللايرات في الاخر



وهذي النتيجه



يتبع ,,

خلفيه بالفرش والتدرجات ( درس من ترجمتي ) :

1- نفتح عمل جديد بخلفية سوده 400*150

2- نختار فرش ويفضل abstract واللي ماعندها تستخدم فرش فلاور باور تصلح والشاطره تدش قوقل وتدور او تاخذ الفرش اللي حطيتهم فوق

مع العلم ان صاحب الدرس حاط فرش بس الرابط مو شغال
المهم نختار فرشه مختلفه في كل لاير وانا سويت 6 لايرات





3- نضغط حرف ال d من الكيبورد عشان نستعيد الالوان وبعدين نفتح لاير جديد فوق لاير الفرش

4- filter -> render clouds ونغير المود الى color

طبعا ماراح يتغير شي

5- على نفس اللاير نختار حرف الf اللي في صندوق اللايرات او layer -> layer style ونختار gradient overlay

بنفس هذي الاعدادات



الصورة متحركة

نختار التدرج اللي نبيه

هذي نتيجتي



وهذي نتيجة صاحب الدرس



وهذي بلون ثاني بعد ماكتبت عليها وخليت لاير الكتابه اعلى واحد فوق وحطيت المود اوفرلي والتاثير ستروك 1 بكسل لون غامق <--- هذه موتابعه للدرس






شرايكم روعه الالوان مو ؟؟ :D

ونقدر نطبقها على الصور بعد

يتبع ,,

عمل توقيع فرش Abstract Grunge من ترجمتي:

(1) عمل خلفية فرش 4


1- نفتح عمل جديد بخلفية سوده بحجم 400*150

2- نفتح لاير جديد ونختار اللون الابيض ونختار فرش من هذه المجموعه هنا

3- نضغط ضغطتين او 3 ونخلي شوي مساحات سوده



4- عشان نعطيها مظهر ناعم نضاعف لاير الفرش ونروح للفلتر هذا

filters > blur > gaussian blur
ونختار قيمة صغيره حسب اللي يعجبكم وانا اخترت 4



5- نفتح لاير جديد ونختار اللون الاسود ونطبق بعض الفرش من نفس المجموعة
ونسوي نفس الفلتر اللي فوق باي قيمة وانا اخترت 2 ونغير المود الى soft light ونخفف الاوبستي الى 50%





6- نفتح لاير جديد ونختار اللون الابيض ونختار فرش من هذه المجموعه هنا

ونطبقها ونطبق عليها فلتر نفس اللي فوق وانا اخترت قيمة 2



7- نفتح لاير جديد ونطبق نفس الفرش بلون اسود

ملاحظه : صاحب الدرس اختار لون ابيض بس انا فضلت لون اسود لان الابيض طغى على الخلفيه

وهذه النتيجه



انتهى الدرس وممكن تلونونه باي طريقه سواء على الطريقة الاولى
layer > new adjustment layer > color balance

او ctrl + u

انا لونته بطريقه color balance بس اخترت الاعدادت اللي تريحني وماالتزمت بنفس الطريقة الاولى من ناحية زيادة ال hightlights الى 100



وهذا شكل اللايرات بعد التلوين



وهذي نتيجة صاحب الدرس بعد مالونها بنفس طريقتي وتلاعب في ال levels



مع العلم اني ماراح اشرحها لان التغيير كان بسيط وكل اللي سواه زيادة الاضاءة وتعميق الظل

(2) اضافة نص

1- نفتح لاير جديد ونكتب اي شي بلون ابيض ونخلي لاير النص تحت لاير color balance عشان ياخذ اللون

2- نغير المود الى soft light

3- كليك يمين على لاير النص ونختار blending options
ونختار هذه الاعدادات

Drop Shadow
Angle: 60
Distance: 3
Spread: 0
Size: 5

Inner Shadow
Opacity: 60

Bevel & Emboss
Depth: 1
Size: 0

Stroke
Size: 1
اللون :اسود



والنتيجة




شروط التطبيق:

1- حجم التطبيق 400*150
2- على كل حركه تطبيق واحد يعني 4 تطبيقات

بانتظار تطبيقاتكم :27:

كلمة لابد منها

اخواتي الغاليات

بصراحه انصدمت وانحبطت في الدرس الاول لما شفت ان اكثر البنات يقولون ان الدرس طويل وان شاء الله الدروس الجايه مو جذي

خواتي تاكدو ان طول الدروس من صالحكم مو من صالحي

لان عمليه الفرز والبحث في المواقع عن اكثر من حركه لفكرة وحده شي مو هين ولا سهل
وفيه جهد ووقت كبيرين وفعلا تعبني واجهدني

ولو اقولكم اني صارلي شهر او اكثر وانا ابحث عن مواضيع لكم ولازلت لاخر لحظه ابحث لان الدروس تتجدد بتقولون هذي تبالغ

وبما انها المرحله الاخيره حبيت تستفيدون منها على قد مااقدر

يعني اذا حبيت اسوي درس عن الاطارات فاختار اكبر عدد من الاطارات الجديده

ونفس الشي اذا بسوي درس عن الباترن بختار اكبر عدد من استخدامات الباترن

ولكم حرية الاختيار بين تطبيقها كلها او بعضها او حتى عدم تطبيقها

لان انا ماراح يضرني ولا ينقص مني شي بالعكس ضميري مرتاح واللي علي سويته وبريت ذمتي وحاولت اقدم الافضل والاشمل واعطيكم اكبر قدر من الحركات اللي اتمنى تكون جديده لو على البعض

يعني انا حاولت اني اقدم شي يليق بآخر مرحله

وارد اقول لكم حرية تطبيقها من عدمها او تطبيق على الاقل واحد منها

والعذر والسموحه من هالكلمه لكني فعلا تضايقت وانحبطت خصوصا اني كنت اقعد بالساعات واسهر عشان ادور بالسايتات الاجنبيه اللي كلما ادش سايت يطلع 100 تفرع منه واقول يمكن الاقي الافضل واخزن

وبعدين ارجع وافتح اللي خزنته واحد واحد واطبق واشوف اللي ينجح بالتطبيق

اتمنى لكم الاستفاده ومنكم التشجيع

وفقتم

ملاحظه على التطبيق :

ممكن تستخدمون طريقة النص الاول على الدرس الاخير
والنص الاخير على الدرس الاول

وممكن تستخدمون
طريقة النص الثالث على الدرس الثاني

ونفس الشي دمج الصور

اسمحولي لاني حطيت الملاحظه برد منفصل بس كلما جيت اعدل مايضبط التعديل

ورجاءاً ممنوع وضع صور كرتونيه

فيه تعديل في هذه الجمله من الحركه الثانيه الخاصه بالدمج مع الخلفية لاني حاولت اعدل من الموضوع ماضبط



قصدي تختفي الخلفية


وان شاء الله الدرس يعجبكم :)