ام عزيزان :

اول شي حابه اقولكم ان تطبيقات البترونات انا قاعده احطها لكم ولكن اشوف الكل يطالع الفيديو ويتجاهل الصور اللي فيها رمز الغرزه وشكلها في الباترون ...... ومن اليوم ماراح يكون فيه فيديو خلاااااااص راح تتابعون الصور والباترونات عقابا لكم:angry2:..... واللي ماتعرف الا بالفيديو تاخذ اسم الغرزه وتبحث عنها بنفسها .... والفيديو راح اتركه للشغلات الصعبه اليوم درسنا وايد مهم للجميع ويدخل في كثير من اعمال الكروشيه واهمها القبعات واذا ضبطنا شكل الدائره وفهمناه راح يكون علينا سهل ونقدر نطبق القبعات بشكلها الصحيح وابي الكل يركز في الشرح والصوره حتى نطبق بشكل صحيح هذا باترون الدائره ومثل ما قلنا اغلب الباترونات تبدي من الوسط وتطلع للخارج..... الباترون واضح جدا وكله بغرز العامود راح نبتدي بالدائره ودائما تكون هذى الدائره اما 4 س او 5 س او 6 س وتغلق بمنزلقه وفي باترونات تحدد لكم عدد الغرز اذا كانت اوسع.... اذا البدايه 5 س وتغلق بمنزلقه السطر الاول : نرتفع 3 س وهي بداية اول عامود ومثل ما قلنا انه يحسب اول غرزه.... ثم نعمل بداخل الدائره 15 عامود والمجموع راح يكون 16...... لحد يقولي الاعمده ماتكفي .... الا راح تكفي وتزيد .... اذا خيطك سميك زيدي من عدد السلسله في البدايه واذا خيطك عادي خلاص توكلي على الله واعمليها..... شدي الغرز بجانب بعض وبعد ماتغلقيها بمنزلقه ضبطيها وخلي شكلها مستوي ومرتب السطر الثاني : راح نعمل فوق كل عامود سابق 2 عامود بنفس المكان والغرز راح تتضاعف ويصير مجموعها 32 غرزه السطر الثالث : نبتدي في عامود ثم 2 عامود بنفس المكان بالغرزه التاليه ثم 1 ع ثم 2 ع بنفس المكان بالغرزه التاليه وهكذا الى نهاية السطر السطر الرابع : نعمل 2 عامود بكل غرزه وفي الغرزه الثالثه نعمل 2 عامود بنفس المكان ونكرر ملاحظه وحتى يسهل عليكم عمل الدائره :انه من بعد السطر الثاني راح نعمل غرزة 1ع ثم 2 عامود بنفس المكان .... والسطر اللي بعده راح نعمل 2 عامود ثم 2 ع بنفس المكان .... والسطر اللي بعده راح نعمل 3 عامود ثم 2 ع بنفس المكان .... والسطر اللي بعده راح نعمل 4 ع ثم 2 ع بنفس المكان وهكذا يعني كل ما توسعت الدائره راح نزيد العامود الفردي ثم ياتي بعده 2 ع بنفس المكان ع = عامود واذا نبي نسوي دائره بغرزة الحشو نتبع نفس الطريقه بس بغرزة الحشو

اول شي حابه اقولكم ان تطبيقات البترونات انا قاعده احطها لكم ولكن اشوف الكل يطالع الفيديو ويتجاهل...

ام عزيزان :

اليوم غرزتنا وايد حلوه وتعطي جمال للقطعه غرزه الفيشاره الاسم الانجليزى : popcorn الاختصار : pop نلاحظ في هذى الغرزه ان نعمل 5 اعمده في مكان واحد ثم نترك اخر سلسله ونطلع الابره ثم نغرزها في اول غرزه ونسحب الغرزه الاخيره للاولى حتى تعطينا شكل البوب كورن والفيديو راح يوضح الطريقه اكثر الواجب نفس هذي الصوره تقريبا 14 س + 3 س ارتفاع اول عامود = 17 س ثم سطر من الاعمده والسطر اللي بعده 4 عامود ثم 1 غ بوب كورن ثم 4 عامود ثم 1 غ بوب كورن ثم 4 عامود ونرتفع 3 اسطر ============= وعندي سؤال للجميع ؟؟؟ كم وحده افتحت لها دفتر وسجلت فيه الغرز اللي اخذنها من الاسم العربي والانجليزي ورمز الغرزه وطريقتها ؟؟؟ او احفظت الصور في ملف خاص بجهازها وتطالع فيها كل يوم ؟؟؟ لان ابي اعرف اشلون تراجعون الغرز

اليوم غرزتنا وايد حلوه وتعطي جمال للقطعه غرزه الفيشاره الاسم الانجليزى : popcorn الاختصار...