بسم الله الرحمن الرحيم
السلام عليكم ورحمة الله وبركاته
واخييرًا بعد موافقة المشرفة ماوية حافتح الاشتراك في دورة اللغة الإنجليزية
طبعًا الدورة حتكون ب 4 مستويات وحنبدأ من المستوى الأول
وطبعًا في منهج رح امشي عليه وهو منهج headway من جامعة اكسفورد البريطانية
وعشان الكتاب غالي مح اطلب من المشتركات يشتروه ..
طلباتي للدورة فقط دفتر وقلم
وحيكون في اختبار كل اسبوع
الاختبارات في المستوى الأول كويز وسبيكنج فقط
والمستويات من التاني للرابع حتكون رايتينق وريدينق وسبيكنج وطبعًا كويز
بالنسبة للأختبارات حانزلها هنا والحل حقها ترسلولي هوا عالخاص وطبعًا بشرط عدم الغش
لأنو احنا في دورة يعني عدم الغش حيكون في صالحك عشان تعرفي اخطاءك والخطأ مو عيب بالعكس الواحد يتعلم من اخطاءو
الاختبار السبيكنج طبعًا عشان لازم تتكلمي معايا فحتضيفوني كصديق واختبركم عالشات
واللي حابة تشترك تكتب في الكومنتات وتحط هادي الصورة في توقيعها
وكيف تحطو الصورة ؟
تحفظي الصورة
وبعدين تدخلي على دا الموقع http://www.upimage.us/
وبعدين Add files
وتختاري الملف
وبعدين start
وبعد ما يتحمل تختاري الرابط التاني Forum Link وتحطيه مكان توقيعك