مساء الهنا والسرور
نزلت تطبيقي يا قمرنا وادي الرابط

http://forum.hawaaworld.com/showpost.php?p=72954604&postcount=47

وبصراحة الطبقين زي العسل بس الحواوشي روووعةبمعنى الكلمة وتم اعتماده كممثل رسمي للفطاير على منيو مطبخي مستقبلا هههه
ومرسي على الكفتة ام دمعة اللذيذة من شكلها وطبعا انا عندي في البيت كلهم من عشاقها وهي تعتبر من الاطباق المعتمدة في المطبخ السوداني والمشتركة بينا وبين المطبخ المصري هي والمحاشي والصواني عاامة
وانا بعملها بطريقة جدتي الله يرحمها وتقريبا نفس طريقتك بس بزود شبت كمان على وش الدمعة بتطلع رووعة
والرز بديه فرمة بعد ما ابله في شوية ميه سخنه عشان ينهرس شويه وبضيفه للحمة وبقيه المكونات
كنت مصوره طريقة عملها قبل كده ومانزلتهاش في اي منتدى اشوف الصور واحاول انزلها

وعادة بعمل كمية منها وبفرزها بعد التحمير والي عادة بالفرن عشان نقلل السعرات ههه وبطلع الي عايزاه منها وبضيف له الدمعة

-كلمة دمعة دي ماحدش حيفهمها غيرنا هههه احنا اي طبيخ فيه صلصة حمرا بنسميه دمعة بس انتوا بكسر الدال ونحن بفتحها
والدولمة شكلها لذيذ جدا وان شاء الله التطبيق في الطريق
واذا كنت حتعملي الكحك المصري فياريت يكون بالعجميه لوممكن تدبيسة مش كده هههه
تسلمي ياقمر

زولة حبيبتي :
تسلم الايادي في الصنفين تطبيقك رائع واقسم اني ريقي جري علي الخبيزة لما شوفت طبقك وقلت اطبخها النهاردة والحواوشي مظبوط وبالف هنا علي قلبك
اما الكحك معلشي خذلتك في العجمية لاني كل لما اعملها اما تنشف او تكون طرية تخرج من الكحك اثناء الخبز فانانزلته بالفسدق وممكن تعمليه بالعجوة (التمر ) او سادة او بالملبن
وبالنسبة للكفتة احنا بنشيل الخليط في علبة ونروح نفرمه في محل مخصوص وبعد كدة بقيت اعمل زيك اطحن الرز بس لاقيت فكرة دقيق الرز اسهل ولا اشيل واخرج ولا اطحن وبيطلع نفس النتيجة والحمد لله
اما عن لفظ الدمعة انا لما كنت بنزل في اطباق عزيزة الساخنة مصطلحات كتير البنات مافيهموهاش وانا كمان ههه بصراحة مصطلحات خليجي كتير ماكنتش بفهمها وكنت عايزة اسال فيها زي سنعة -شباطة -ايدام وحاجات كتير ودي ميزة منتدانا بنعرف لهجة بعض من بعض

مساء الانوار على الغاليين
ليلتنا القمر الأروع كلامك الي زي العسل ياغالية
وسبحان الله الخبيزة حلت فيها البركة ههههه وكلنا منها النهارده كمان
وصبحت طعمها احلى من امبارح كمان

يعني مش وحدي الي خايبة في العجميه مرضيتش تضبط معاي خالص قبل كده بتطلع ناشفة وانا الي كنت مأمله النهارده آخد مقادير مضبوطة منك خخخخ نأبي طلع على شوونه -جاامدة مووت دي صح ولا لا -صاحبتك خبرة لهجات
انا عندي 38 سنه منهم 29 سنة في الخليج 15 في الامارات مع اهلى و14 في السعودية مع جوزي هههه يعني عندي خبرة في الغربة برضك تشغلني في أجدعها شركة
عشان كده لهجتي المصرية ولله الحمد ميت فل وعشره كل صحباتي وزميلاتي وأبلاتي تقريبا في ابوظبي كانوا مصريات
ولو عيزة تسألي عن اي مصطلح خليجي مالكيش الا سارة الي هي انا ههه
وبالنسبة للكلمات الي فوق خدي الترجمة على الشريط اهي

سنعة =شاطرة وفتكه
شباطة دي ما اعرفهاش بصراحة اعرف شباصة = توكه
إيدام =طبيخ أو دمعة وعند أهل الشام يخنه
هههه لقيتيني ازااي
رغيت كالعادة ونسيت اعلق عل الطبقين
الكحك توووحفة لو الولاد شافوه دلوقتي حيشبطوا فيه ممن العيد للعيد بس
والسبانخ شكلها يفتح النفس
تسلمي وسامحيني على تاخري في التطبيق
كنت ناوية النهاردة اعمل الفول والطعميه على العشا بس المووود بعيد عنك مش ولا بد
الحمد لله على كل حااال
هي ماااسة القمر فين مش باينة كنت متوقعة القى تطبيقها للكفتة في التطبيقات
مش عادتها ماشاء الله عليها ولا نكون حسدناك يا ماستنا الغالية\
اظهري وطمنينا عليك
في حفظ الرحمن يااارب

زولة (سارة )حبيبتي : شكرا علي الترجمة وماتقوليش علي نفسك رغاية انا بستمتع بردك وخفة دمك والله وانا حدخل مواضيع البنات تاني علشان اجيب لك كلام جديد تترجميهولي ههههه اصل انا المشكلة اني عمري ماكان فيه احتكاك بيني وبين اي حد مش مصري ولما دخلت المنتدي حبيت البنات جدا من كل بلد وخصوصا انهم ذوق قوي ولسانهم حلو بس المشكلة كانت عندي في المصطلحات
بس انا اتعلمت حاجات كتير واسامي الفاكهة والخضار غير عندنا ....ربنا يديم الاخوة بيننا يارب
يللا الحقي طبقي علشان خلاص قربت اسيبكم ولو انكم حتوشوني قوي
سلام عليكم ( بالمصري : فوتكم بعافية )
وفاء (ليلي محمد )

انا الحمدلله بخير ولله الحمد تسأل عنك العافيه (ترجميها ) والاطباق صراحه مغريه للخميس ولكن كان عندي ضيوف وابو الشباب راح زياره لاهله خارج جده وقلنا يله والتطبقات توصل كلها بإذن الله قبل الرحيل والله يعز علي فراقكم ياهل القلوب الطيبه والكعك نقول عليها معمول ونقدمه مع القهوه والسبانخ نعملها فطاير نحطها جنب البيتزا والزعتر كبوفيه خفيف مع الشاهي عادات وتقاليد نكتسبها من مخالطة الناس الطيبه فهم الاخوات التي لم تلدهم أمي (حلو المثل) سبحانك اللهم وبحمدك نستغفرك ونتوب اليك