حبيبتي ام غانم :
انا شوفت طبق زلابيا احلي من اللي عملته بسم الله ماشاء الله والبيتزا رائعة وتسويتها ممتازة تسلم الايادي ياغالية
انا يابنات حسيبكم وانا فخورة بيكم حقيقي ستات بيوت من الدرجة الاولي ربنا يحميكم ويحفظكم

حقيقي يابله ليلى اتعلمت منك الطبخ الي يشرف ويطلق الوجه قدام ضيوفي وكمان مع اولادي بشكل مرتب ونظيف بعيد عن الجاهز ومشاكله والغش علشان الربح وبس غير اكل البيت الي تتمنى الام فيه العافيه والهنا لعائلتها ربنا يكرمك ويحفظ الاولاد يارب دمتي في رعاية الله

غاليتي ماسة المجد:
عجزت عن الرد والشكر علي كلامك الرقيق ومش قادرة اوصفلك مدي سعادتي ربنا يسعدك في الدارين والحمد لله اني قدرت ولو حاجة بسيطة اقدمها لكم بالرغم انكم ستات بيوت شاطرين بسم الله ماشاء الله وكفاية عندي اخوتكم ومعرفتكم الحلوة
بس انا عند وعدي زي مابدانا بالحلو حنختم بالحلو بكرة درس الوداع حقدم ام علي زي ماوعدت الغالية الياسمين ومعاها الهدية اللي وعدتكم بيها
يارب تدوم الاخوة والصداقة والحب بيننا علي طول ومايحرمناش من بعض

السلام عليكم ,,
والله من جد بكره وداع :44: راح نفقد الجمعه الحلوه واللحظات الاحلى
الله يبارك فيك استاذتنا ويكتب اجرك وابقي سامحينا على قصورنا
والبنات جميعا الله يبارك فيكم ويعطيكم العافيه .

الغالية محتارة :
اشكرك من كل قلبي علي كلامك ودعواتك ليه ودي احلي حاجة اخدتها منكم ربنا يسعدكم ويوفقكم في حياتكم
الغالية ام غانم :
استاذة في اعمالك زي باقي البنات تسلم ايديكي عجبتني البقلاوة ولونها وسواها وعلي فكرة بنتي كانت قاعدة جنبي بتتغزل فيها والفطيرة تحفة ومظبوطة ربنا يوفقك يارب وبالف عافية عليكم

حبيباتي الغاليات كنتم خير صحبة واحسن اخوات وكنت حاسة انها مش دورة بقدر ماهي مجلس جميل بصحبة حلوة صدقوني انا زعلانة علشان نهاية الدورة
بس نزلت النهاردة اللي اقدر عليه والمفاجاة اللي وعدتكم بيها تورتة علشان تفتكروني في مناسباتكم الحلوة ربنا يجعل كل مناسباتكم حلوة
واغلب الحلويات تنفع رمضان علشان تفتكروني في الشهر الكريم اعاده الله عليكم بالخير (انا طماعة مش كدة هههه)
ربنا يوفقكم ويصلح حالكم يارب ويشفي ابن الغالية زوله