السلام عليكم يابنات
ما شاء الله
اول مرة اشوف الدورة المتميزة دى
بارك الله فيكى ميس ليلى
اسمحيلى
انا عاوزة اشترك معاكم ولسه بتعلم
انا هاراجع الدروس ايلى فاتت ولو وافقتى ابدء اطبق معاكم
وياخسارة فاتنى كتير
والف شكر ليكى يا قمرة وربنا يجازيكى الجنة على تعبك معانا

الاخت لوليتا:
اهلا بيكي معانا بس حبيبتي الدورة تقريبا خلصت فاضل درس واحد
ودي امتداد بقالها شهرين لكن انا حسيبها مفتوحة شوية للمناقشة وتقدري تتابعي الدروس وطبقي في قسم الاطباق المجربة في القسم الخاص بالدورة واي استفسار او سؤال اكتبي وانا ان شاء الله معاكوا حتابع المناقشة قبل غلق الدورة

ياحبية قلبى
ربنا يخليكى يا ميس ليلى
حبيبتى انا زى ما قولت مبتدئة اسمحيلى بسؤال على السريع كده
انا توهت فى وصفات النت بين المقادير
بالنسبة للمعجنات مثلا كل بنوته وليها عجينة معتمداها
انا قررت انى اعتمد عجينة لنفسى بردو فيها كل حاجه
بس ممكن اعرف منك ليه بيحطوا بيكنج بودر فى العجائن ايلى فيها خميرة
وايه لازمة اللبن البودرة فى العجين
وتسلميلى يا قلبى

معليش يالولو عندى سؤال هو تارت التفاح غير فطيرة التفاح
لانى عاوزة اعمله
وحلوة المطرحة ههههههههههه اللى عاوزة واحده تقول اورد لها
تسلمى يليلى كلك ذوق وتعبتى معنا كتييييييييييير
ربنا ما يحرمنا منك سلفتى لما دائت السينبون قالت احسن من الجاهز
وكنت مبسوطة كتير
والبيتزا بعد ماكانت هم على القلب اصبحت اسهل حاجة عندى

الياسمين اذيك ياجميل
انتى شوفتى المطرحة فين
انا فى القاهره ومش لاقياها خالص
واما اسأل عليها بيتريقوا عليا البياعين