:24: بصراحه انتي عطيتيني ثقة اني احط هالنوع من المكياج لزيارات الاصدقاء لاني ما كنت افكر احطها الا للاعراس والمناسبات الخاصة بس عند خبيرات التجميل طبعاً

شكراً على الدرس الحلو ...............

نونو751
:55:

*ام خـــــــــــــــــالد*

هلا وغلا ام خالد مشكوووووووره وجزاج الله خير والله يثبتج على دينج ,,, وتسلمين على الكلام الطيب

:27:
*****
مريام ^*^*^

الله يعافيج ويسلمج يارب
وجزاج الله خير
بالنسبه للاضاءه تحت العين استعملي من شارمل الشدو المنثور ,, انا استعمله تحت العين وتحت الحاجب وعلى الانف روعه
بصراحه مااستعمل شدو كريمي وعمري مااستعملت
وانا ماحط اساس كريولان اصلا بس عموما لازم يكون كونسلير كاريولان (اللي حطيت صورته) تحت كريم الاساس وكثري منه وبعدين كريم اساس بعدين بودره مضغوطه ومنثوره وكثري منها
حياج :27:

*****
دااانا

تعبك راحه وانا رديت عليكي ,, عادي ممكن تدمجي بالاسفنجه وممكن بفرشا عاديه المهم حركة الايد ,, اما الدمج حركات دائريه خفيفه على الاطراف بين حدود اللون وتدربي عليها الى ان تتقنيها
وانا ححاول انزل دروس تانيه بس والله مش فاضيه خالص

:26:

say yes
الله يعافيج
عيونك مثل عيون اختي ,, كبيره وواسعه وناعسه واللي يشوفها يحس انها مدوره بس على وسع وبصراحه عيونها مشكله من تحت وقت المكياج بس من فوق مريحه ,,وانا اللي احطلها مكياج ,,
اهم شي مايكون الجفن العلوي بارز ,, شوفي حطي نفس هالمكياج بالضبط ومن تحت لاتحطين بس حطي خط رفيييع من الشدو بريشه رفيعه عشان مايخليها ناعسه اكثر او ممكن ماتحطين وتكتفين بالماسكرا بس وحطي كحل اسود داخل العيون
وان شاء الله فيه خطات ثانيه بس مادري اذا عندي وقت انزلها والا لا ؟؟ لاني مزحومه مووووووت
وسحبة العين مو مشكله انتي اسحبيها بالشدو واذا خربطتي وتبين ترتبين وتحددين جيبي عود قطن للاذان واغمسيه في الكونسيلر ومشي على حدود الشدو بيطلع مرتب

الله يعافيج مره ثانيه :27:

*****
الألعاب التعليمية

العفو اختي تسلميييييييين
بالنسبه للزري اللماع نحطه بالاصبع على كامل الجفن من فوق اذا نبي لمعه منثوره ,, واذا تبين لمعه من تحت ناعمه وخفيفه نحطه بالاصبع على منطقه معينه ,, واذا تبينه ثقيل حطي شوية جل بطرف اي شي رفيع مثلاً ,, طرف عصاية الفرشا على المكان اللي تبينه بعدين تردين تغمسين العصايه بالزري وتمشين فوقه او ممكن بعد ماتحطين الجل تحطين فوقه بالاصبع بس لاتكثرين جل عشان يصير ناعم
واقصد جل الشعر العادي بس لايدخل عيونج

العفو :26:

*****
رتاج الجنة

انا للسهرات احط كونسلير كاريولان سعره 10 دنانير من عروس البحر وحطي فوقه كونسلر فرزاتشي اللي علبته ذهبيه ,, انا للحين مااستعملت فرزاتشي لاني للحين مالقيته بس شكله حلو لما حطته خبيره التجميل لانه كريمي خصوصا لما اخر شي في مكياج العين تصحح فيه الاماكن اللي ممكن تتخربطين فيها لان معاه فرشه ناعمه وصغيره ,, بس عادي ممكن تستغنين عنه اذا ماتبينه بس هو عموما للسهره بس
العفو اختيييييييييي تسلمين وتدخلين الجنه ان شاء الله :27:
*****
yara2004

الحمدالله انج استفدتي اختي بس اهم شي اذا حطيتي شدو من تحت لازم تدمجينه مع الشدو اللي فوق في نقطة الالتقاء اللي بينهم يعني اللي على الطرف الخارجي للعين والدمج يكون بفرشه الموزه افضل لانها انعم

حياج :27:

ان شاء الله بعدين ارد على الباقين لاني بروح لاهلي طبعا تدرون اليوم خميس وزوارات الاهل :27:

:24: :26: