ام صالح وزياد

انشاء الله تتعلمين الدمج بس تدربي على الدمج على ظاهر الكف ارسمي عين بالايلاينر وبعدين حطي الشدو الاسود والشدو الملون وتدربي على الدمج
اذا عيونج صغار حطي قلم كحل ابيض داخل العين ولاتكثرين الشدو الغامق فوق العين وخلي فراغ على طرف العين الخارجي وحطي فيه شدو ابيض بفرشاة صغيره او بقلم ابيض بعد ماتمررين لهب الولاعه عليه
واذا بترسمين كحل سائل فوق العين ابدئي من طرف العين الداخلي العلوي وامشي شوي شوي للخارج بسحبة وحده ,, ادري انه صعب ومو بسهوله ممكن احد يتقنه بس انتي جربي كل يوم باوقات الفراغ وجربي على ظاهر الكف لين تطيح ايدج وتتقنين هالحركه لاتيأسين
واذا صعب عليج السائل استخدمي قلم الكحل العادي بعد ماتبرينه عدل وامشي فيه على منابت الرمش بعدين جيبي فرشاة ضعيفه او عود قطن وحطي فيه شدو اسود ومشي فوق قلم الكحل
فيه انواع كحل سائل كأنها قلم بس ماعندي فكره عن احسن الانواع لاني مااستخدمهم وتقدرين تسألين بنات حواء ماراح يقصرون
العفو اختي :27:

*****
عطر الخلود

الله يسلمج اختي
طبعا الشدو القوي يكون ماركه زينه وتصدقين انا مرات استخدم شدو نيبو مع انه رخيص بس فيه الوان حلوه مثل الفوشي والازرق ,,واذا حسيتي انه خفيف بللي الاسفنجه بالماي ,,
وبعد ممكن تثبتين الشدو اذا حطيتي تحته قلم كحل بنفس اللون او حمره او قلم محدد للشفاه بعد ماتمررينه على لهب ولاعه ,,واهم شي لاتحطين بودره وجه على الجفن عشان يثبت الشدو
وعشان تخلين الاسود غامق وثابت سوي نفس طريقتي حطي قلم كحل وايلاينر اسود
جربي الوان ماك وكريولان اشتري بس الالوان اللي تحبينهم عشان ماتخسرين لانه غالي
انا اهم شي عندي الاسود يكون غالي واما الباقي مو مهم لان التثبيت يعتمد على الخدع ودمج الالوان

حياش :27:

*****
gege10

لا حشا منتي غثيثه اختي
انشاء الله انزل صوره فرشة الموزه بس اشتري كاميرا ديجيتال ,, روحي عند ماك واشتريها رقمها 210 لونها اسود وشعر الفرشا ناعم وغير متساوي ومتجمع بشكل دائري والجزء العلوي لونه فضي ومكتوب عليها japan
وهذي صورتها من تلفوني وادري الصوره مو واضحه



اما باقي الفرش عاديه مثل الاسفنجه والفرشه الرفيعه وفرشة الاسفنجه المطاطيه وكلهم حطيت صورهم ماعدا المطاطيه بس تلاقينها عند ماك او بدي شوب
شرفتي :27:

*****
dream4abudhabi

جزاج الله خير يارب تفيدين العضوات وتستفيدين مني وهالشي يسعدني كثير

اهلين :27:

ام احمد بدر
صعب1
اخت مسلمه
موناليزا الزيزا
نـ,,,ــرينا ~*~
**عزوف الصمت**
الوداد
شذى الياسمينـ
هنوده الحبوبه
الفلة البيضاء
Felling Heart
ودي اشارك!!

شاكره لكم مروركم الكريم وجزاكم الله خير وتسلمون يارب
واتمنى اني اكون افدتكم ولو بشي بسيط

حياكم الله :27: :26:

عزيزة

هلا وغلا ,, اكبر شرف لي انج تشرفيني بموضوعي وهذا مو جديد عليج ,, ياما شرفتيني بمواضيع قسم التصميم وهذا يدل على تواضعج
الله يعافيج ومشكوره على الرد ,,, لاخلا ولا عدم من مشرفتنا الغاليه :26: :27:

كرادي حلوين يا بناتي

العفو اختي تسلمين والله يخليلج بناتج الحلوين وابوهم بعد :23:

*****
نغم حياتى

منتظرة ضمة غلاك

هلا فيكم
اعذروني لاني طولت بالخطه الثانيه بس انتو شايفين الموضوع الاول للحين فيه ردود وتفاعل
ثانيا انا محتاره انزل موضوع جديد والا اكمل على هذا ,, بس اخاف محد ينتبه
ثالثا وهو الاهم اني مو فاضيه والله والدليل اني يالله ارد على موضوعي هذا لان الشرح يبيله جهد مو طبيعي
وانا ادري ان مو الكل يحط سموكي بس انا اول شي حبيت اشتغل على الخطات الرئيسيه مثل السموكي والمفتوح وبعدين اذا قدرت اروح للنواعم اللي يصلح للدوام
وودي انزل طريقة مكياجي بالدوام لانه يصلح لدوام ومسايير بس شسوي ,, الوقت غدااااااااااار
لاني مدرّسه وعندي تحضير ومشرفة قسم التصميم وحتى بدون اشراف انا كنت نشيطه وانزل دروس غير اشغالي بالحياة وعيالي وبنتي الصغيره

يعني العذر والسموحه

بس كان قصدي اني اعطيكم الاساسيات عشان اذا شرحت بعدين مااتعب بالشرح
ولو اقولكم ان شرح هالدرس اخذ مني فوق الاسبوع وان تنزيل الدرس اخذ مني يوم كامل عشان انسقه وارقمه واكتب اسمي يمكن ماراح تصدقوني

الله يعيني ويعين الجميع ,, ادعولي بس اني اقدر انزل باقي الخطات

حياكم :26:

اختي
باتونيا ياكنز الكويت
انا اقول حطي خطه ثانيه بموضوع مستقل
لان هنيه راح تضيع بالمره
واذا الوحده بغت خطه تروح لكل موضوع
انتي شايفه الردود شكثرها
يعني تضيع الوحده
سلام
ياعسل زيوه مافيش (قلبت مصري من بعد الكويتي )