دنيا معكوسة سألتينا قبل كذا وش استفدنا من الدورة

بصراحه اكثر معلومة جديدة تفاجأت منها لما عرفت ان نسبة (هم)هي 10% فقط !!!

وتذكرت اختي لما مرّت بتجربة خطوبة كيف كانت محتارة وأنا كنت محتارة معها لأنها كانت مو مقتنعه بالعريس وفي نفس الوقت امي وخالتي كانو يضعطون عليها

لأننا 6بنوتات في عمر زواج ماشاء الله..وامي شايله همنا..وانا كان نفسي انها تتزوج لأني كنت ابي عددنا يقل بس خايفه اني اذا ضغطت عليها وماتوفقت احس بالذنب!

فكنت دائما بس اقول لها استخيري استخيري,وهي بصراحه كان عندها اسبابها اللي خلتها ماتقتنع فيه بس كانت محتاره اذا كانت هالاسباب كافية ولا لأ

مثلاً في الشوفه الشرعية سألها وقال لها وش شهادتك؟ قالت له:ثانوية,قال لها ليه ماكملتي؟قالت:ظروف,قال لها:يووه تحطيم ومن هالكلام

هنا ماعجبها اسلوبه وقالت انها حسته انسان ضعيف وسلبي من طريقة كلامه,بالإضافه انه فترة خطوبتها كان يقول اشياء وماينفذها وهالشي خلاها تنفر منه

بس ماكانت تقدر تقول شي لان الكل كان يمدحه رغم انه فالح في الكلام وبس وماقد نفّذ شي منه مثل ماقلت اول

آخر شي أبوي قرر يفركش الموضوع بعد ما كان متمسك فيه بس صار موقف بينه على حقيقته

المهم اللي ابي اوصل له اني تعلمت إني ما أعطي إهتمام لضغوط(هم) لانها حياتي أنا ولأنه مشروع ممكن يستمر مدى الحياة فلازم أنا اللي أتخذ القرار

والأحلى هو أسس القرار الناضج كثيييير إستفدت منها..كيف؟تعلمت انه من خلال هدفي أقدر أحدد إذا كان هالشخص يناسبني او لا

ومُحاضرة اسس القرار الناضج خلتني اقعد بيني وبين نفسي واعرف وش هدفي بالضبط وايش هدفي من الزواج ؟

مثلا انا اعرف كثير بنات حالتهم المادية صعبه ويقولون مايهمنا شكل الزوج او عمره اهم شي يكون غني ويريحني من الهم

صحيح ان تفكيرهم غير ناضج لانه ممكن يكون غني وبخيل بس هم عرفو وش يبون ومن خلال هالشي حددو شروطهم اللي مايستغنو عنها

عن نفسي راح احتفظ بهدفي من الزواج لنفسي :biggrin:

ايه صح وتعلمت انه مايحق لي اشرط شي وانا مو مطبقته على نفسي مثلا انا كنت اقول لازم يصلي مع الجماعة

صحيح اني اصلي الصلاة في وقتها ولله الحمد بس للأسف احيانا اكون قاعده على اللاب واقرأ موضوع ومن غير ما احس الاقي الصلاة فاتتني

صح ان هالشي ناااادر يصير معي بس كلام أستاذه خلود خلاني احط نفسي تحت المجهر يعني موضوع الدين شي حسّاس

ومثل ما انا ابي انسان ملتزم بصلاته وعباداته بدون تقصير لازم انا بعد اكون ملتزمة 100% بدون ما اسمح لنفسي بتقديم الاعذار مثل



يعني الأولى إني أركّز على عيوبي و سلبياتي وأحاول أصلحها أما الأشياء اللي تخص الدين فما تتحمّل التأجيل لأن الإنسان مايدري في اي ساعة يموت

وفي شي استفدته وهو الأسئله في الشوفة الشرعية..ماتدرين هالشي قد ايش كان محيّر اختي

حتى انها كانت تسألنا وش اسأله؟ وانا طبعا ماعندي خبره ..كنت اقولها مدري أسأليه عن طموحه هواياته ..الخ

يعني مجرد أسأله غير مدروسة ..اما في الدروة تعلمت كيف أسأل أسئلة تساعدني اعرف أكثر عن (هو)

نجي لمراحل الزواج..بصراحه لما قريتها بطني عورني :icon33: بس الحمدلله انها حطّت لنا مرجع

مثل كتاب المشاكل الزوجية .. فوائدها وفن احتوائها سويت بحث عنه وقريت نبذه منه وراح اشتريه بإذن الله

أقول لك ايش ولا ايش بس بجد استفدت من الدورة كثييير ولله الحمد..والله اضحك على نفسي لما اتذكر كلامي اول

كنت اقول لخواتي:يوووه طفشت متى اتزوج خلاص انا صرت مستعده للزواج وثقّفت نفسي وتعلمت كل شي

اما الدورة حسيتها غذتني فكريا وعقليا واحس اني لسه متعطشه لها

ليش اشمئزار الله يهديك؟

بصراحه على كذا وش استفدتي من الدورة ؟

يعني لا انتي ولا رجالكم يتكلمون مع الخاطب ..اجل وشلون تعرفون شخصيته ؟

طيب انتي ممكن الحياء يمنعك بس اضعف الايمان ان احد من اهلك يسأله في وجودك الاسئله اللي تشوفيها مهمه

منها تتعرفي عليه اكثر وبالمره تشوفي لغة جسده وهو يتكلم

صدقيني هالنقطه مهمه جدااااااااا



بس انتي مارح تخلي كل من هب ودب يشوفك صح ولا لأ؟

اكيد راح تاخذون وقتكم في السؤال عن الخاطب..اما اذا ماسألتو عنه بضمير هنا المشكله

احنا غلطتنا مع اللي خطب اختي اننا ما اخذنا وقتنا في السؤال عنه يمكن سألنا عنه اسبوع وبس

بعد الشوفة وحده من خواتي اجتهدت وكانت لسه تسأل عنه عند اشخاص مختلفين واكتشفنا انه كان خاطب 3بنات قبلها

وحده فيهم قدرنا نوصل لها وسألناها عن سبب فسخ الخطبة وعلمتنا انه بخيل وكان يماطل في تجهيز امور الزواج

وتقريبا نفس هالشي صار مع اختي بالإضافة لأشياء ثانية

بعدين ياعمري اذا سويتو اللي عليكم وسألتو عنه وشافك وماصار نصيب لايضيق صدرك

لانك ماسويتي شي غلط ..وماقعدتي معه الا بوجود محرم ..وبالعكس المفروض بعدها تحمدي ربنا لانك اكيد كنتي مستخيرة ربنا قبل فاللي صار خيرة لك

وتخيلي نفسك معه وقولي وش احسن ان الموضوع تفركش من بدري

ولا اذا كنت تزوجته وما توفقت وارجع بيت اهلي مُطلقة وأعاني من كلام الناس وانا مالي ذنب؟



كلامك حلو و صحيح ..ما في ارحم بحالنا الا الله سبحانه وتعالى :)

بس لازم التوكل يكون مع العمل بالاسباب

يعني تجتهدي اكثر عشان تعرفين عن (هو) وترى مو لازم تسألونه أسئله كثيرة

ممكن ثلاث او اربع اسئلة تكون كافية ..بس الأهم هو نوع السؤال يعني يكون مُناسب وفي هدف منه مو سؤال لمجرد السؤال !



اللي تقعد مع خطيبها في فترة الخطبه هذا شي ثاني لانه مايجوز ولا تحل له

بس احنا نتكلم عن الشوفة الشرعية اللي ربي شرّعها لنا لحكمة



الله يهديك نشّفتي ريقي من كثر ما انقهرت عليك :icon33:لييييش ما تسألون الخاااطب وقت الشوفة؟؟:angry2:

>>>جتها نفسية هههههههههههه

ايه بس انتي تقدري تاخذين اسم الخاطب وتسألين صديقاتك وكل وحده من صديقاتك تسأل معارفها

طبعا تسألي الناس اللي تثقي فيهم ويحبون لك الخير مو الناس اللي تغار منك

نفس الشي خواتك لازم يساعدونك ..انتي عارفة احنا سألنا صديقة اختي اللي في مصر لان المعرس نفس قبيلتها خخخخ

عاد تخيلي اشكالي انا وخواتي كل وحده تسأل بطريقتها واللي من طرفنا يسألون غيرنا لين جبنا خبره خخخخخ

بس وش عقبه ؟؟ بعد ما شافها؟ صحيح اننا سألنا قبل بس بعد الشوفة خفنا انه تتحدد الملكة وبعدين يطلع مو كفو

بالنسبه لسالفة القبلية بصراحه الله يعينكم ..مالك الا انك تدعين ان ربي يهدي اهلك لان العصبية القبلية تعتبر من الجاهلية

وصدقيني الموت لا ارحم ولا شي ..الحمدلله انتي لسه في عز شبابك وإنسانة ذكية وطموحة يعني الحياة ماوقّفت على الزواج

هذا مو معناتها ان الزواج مو مهم بالعكس كل بنت طبيعية تتمنى تتزوج لان لها حاجات ربي فطرها عليها

بس لا تحملي عقلك فوق طاقته لان ببساطة هذا الشي مو بيدك ولا لك ذنب فيه وبالعكس انتي انسانة مظلومة من مجتمعك

ودعوة المظلوم مُستجابة ..فدائما الحي على الله في الدعاء انه يهدي اهلك ويسخرهم لك ويرزقك الزوج الصالح اللي يقر عينك وتقرين عينه

و دائما خليك مُتفائلة وتذكري قول الرسول صلى الله عليه وسلم قال: تفائلو بالخير تجدوه

يعني تفائلي وبإذن واحد احد راح تلاقين اللي تتمنيه طال الزمن او قصر !

السلام عليكم ورحمة الله وبركاته
من بدأت الدوره وأنا أتابع بصمت ومن خلف الكواليس!
شكراً أستاذه خلود من قلبي أقولك شكرا .. وأتمنى منك تعلقين على كلامي .. أتمنى توجهيني وتآخذين بيدي ..أتمنى تعديني أختك/ بنتك/ صديقتك.. أتمنى بكل حب تتفهميني وتقرأين كل كلمه بكتبها وإنتي تدعين لي إني أعيش صح.
أقرأ وأتخيل لو إني تابعت الدوره قبل لا أنخطب أيش ممكن يتغير بحياتي؟؟

واليوم وبعد ما تنتهي الدوره على خير أيش بغير بحياتي؟وكيف؟

طبعا أبدأ من خطبتي إلي تمت من سنه و6 شهر
وتم إلي تمنيته وتخيلت إني البنت المحظوظه بالمملكه والخليج والعالم !هههههههههههههههه

وكان كل شي طبيعي وتقليدي وماشي الوضع على مايرام

بعد 6 أشهر اكتشفت إنه مدمن إنترنت ومو هذي المشكله لااااا! المصيبه إنه يعتبر علاقته بالجنس الآخر صداقه

وأخوه وإنهم نفس أخواته ونقي جداً معاهم وصادق وأبيض من اللبن!

المهم انصدمت المسكينه إلي هي أنا إلي أنتظره سنين وأنا أدعي!

سكت نفسي وقلت يا بنت بعد الزواج تآخذين عقله وينتهي الهوس تبع النت وخلصنا..

توضح لحضرتي إنه متهاون بصلاته ما أظلمه ما يفوتها بس يأخرها لحد ما يصحى من النوم

وعلى وقت دوامه ولحد ما يخلص مكالمته معايه أو مشواره وما عنده أي إشكال!

وبعدها اكتشفت إنه ما يؤمن بالحجاب ويطلبني دليل لأني عصبت من علاقته ببنات خالاته وعماته!!!

هو يكلمهم ويقابلهم والبساط أحمدي وياليل ما أطولك !!
وبكل فجيعه في الدنيا صرنا نختلف عند أشياء معروف شرعا إنها حرام وهو يقولي ما أشوفها حرام على هواه وكيفه!أستغفرك ربي وأتوب إليك.

طيب عدت الأيام وعقلي بدأ يوقف قلبي وأحس بكسره تخنقني منه وأجلس ألف شريط حياتي وأتخيلها بدونه ؟؟!!كيف بتكون؟

أجلس أبكي الليل بطوله وأقول خلاص أتعذب شهر شهرين بس الأهم أتطلق منه ..

أنا باقي على ذمته ما نطقت بالطلاق بس لمحت له كثير وناقشته فيه كذا مره أنا بكل صدق مقتنعه تماماً وعازمه

بس أطالع وجه أمي وأبوي وأقول بنفسي أيش أقولهم؟؟ بالله كيف أفهمهم إلي أنا أعيشه وهم مربيني على دين وصلاح

أقولهم إنه إنسان شاذ! ماخذ الدين على كيفه؟ يبغى الحرام ويقول ما يشوفه حرام!!

بكل أسف أنا جالسه أقول هذا الكلام بكل حرقه وألم و وجع أنا كل ليله ما أقدر أنام ما يوسعني الليل من الضيقه

لأني بصدق كنت أحبه جدا وما أتخيل حياتي بدون وجوده كيف بتكون؟؟

بتعب وأتعذب كثير أنا أدري ومتأكده من ذا الشيء بس ما أخسر ديني أهم شيء ولا أعيش مع إنسان بهذي المواصفات..
نصيحه لكل بنت تقرأ حكايتي إنها تسأل الله من فضله وتسأله الصالح وتطول فترة الخطوبه علشان تكتشف أشياء ما تقدر تتخيل وجودها من الأساس..
رجاءً ..رجاءً.. لا أريد منكم سوى الدعاء لي فقط فأنا بحال لا يعلمه إلا الله .. الأستاذه خلود هي وحدها فقط من أسمح لها بالتكرم علي بالرد والتوجيه والتعليق.. رجاءً لا تحسبونه تقليلا من شأنكم بس جرحي لا يحتمل التقليب.دعواتكم ..

استاذة خلود وينك ؟؟؟ :icon33::icon33::icon33:
يا رب المانع خييييير
بس لا تكوني زعلانة :mad: مننا ,ومن رجتنا و وجع الراس !!!!!!
بالله لا تزعلي نحن في اشد الحوجة لك :icon33::icon33:
ربنا ارسلك عشان تشيلي عننا الهم والتفكير و الخوف من بكرة........