دورة تحسين خط الله يجزاكم خير أبيها في الرياض

السلام عليكم ورحمة الله
بنات أمهات جدات :) الي تعرف دورة تحسين خط في الرياض تدلني عليها رجاااء
ياليت تكون هالأيام أبي أرجع بعد العطلة وخطي حلو.
أنا الحمدلله متفوقه ولكن خطي يأثر على درجاتي وهاليومين كنه بيأثر على نفسيتي!
:44: يعني خطي كبير وواضح لكن شين وش أسوي وسبق شافتني أستاذة قالت مسكتك للقلم خطأ أصلا؟
أنا مستعده أكثف التدريب بس أشوف تحسن سريع خصوصا إني الآن في مرحلة دراسيه ما تقبل أي خط والي يدرسوني رجال يعني أول ما يشوف خطي الجميل يشيل 10درجات على طول ثم يبدى يصحح من جديد
ليه حراااام والله ما أقول إلا حسبي الله معدلي بيروح فيها أبي ألحق على نفسي..
أنا قررت أشوف لي حل عاجل وأدري ما تقصرون معي..
أهم شي الدورة بالرياض ..
الله يرفع قدر كل من ترفع موضوع ويجزى الي ترد علي الفردوس الأعلى.:26: