السلام عليكم .. اليوم اول مره ادخل هالقسم ابى ادور على دكتور اطفال ..


انا عصبيه جدا جدا .. لا يمكن تتخيلون كيف لما اصرخ على بنتى كان اللى حولى يخافون ويقولون حرام عليكي .. بنتى عمرها 3 سنوات .. الحين جايتها حاله غريبه تتشنج وينقطع عنها النفس وعيونها تروح فوق وشفايفها تصير زرقاء تخوف .. والله العظيم ابكي لما اشوفها كنت اتمنى ايدي تنشل قبل ما اضربها ولساني ينقطع قبل اصرخ عليها .. كانت طبيعيه 3 سنوات بس انا كنت مجنونه والحين باموت من البكي وصوتي بيروح من كثر ما ادعى لها ... ارجوكم يا بنات ادعو لها ربى يشافيها والله الاطفال ضعيفين واحنا قساة وربى اتمنى اللى فيها فينى بس تكون طيبه .. اتمنى الوقت يرجع ولا اصرخ عليها كل هالسنوات ولا اضربها ... ارجوكم ارجمو عيالكم .. وادعو لبنتى .. انا صرت الحين حنونه معها مره بس المرض ما يعرف الحنيه .. ارجوكم دعواتكم ..

الله يشفي بنتك ياام محمد عليك بالقرايه اقري عليها وادعيلها باالثلث الاخير من الليل واعرضيهاعلى طبيب

سجلوني معااااااااااااااااكم بجد انا جدااااا محتااااجه لاحد يساااعدني

انا عندي بنوته عمرها 8سنوات من فتره وانا اعاني منا صايره عصبيه وماتسمع الكلام مني ومن ابوها والمشكله اذا عصبت على طول يعصب ابوها مثلي ونكون احنا الاثنين عليها
احيانا اقول اني مااقدر اتعامل معها وما اقدر امسك اعصابي لانا تستفزني وانا حامل يعني عصبيه على طول
ابي طرق تعامل معهاضروري

ما شاء الله الدورة مفيدة .. ومع اني جاية متأخر الا اني استفدت من قراءة الردود ..

شخصيا احاول اني اسعى للافضل على طول لكني تراجعت من بعد البنت الثالثة وصارت نفسيتي زفت .. والضرب والصراخ دائم .. واللعب نسيته مع اولادي وحتى لو فكرت ألعاب معاهم احس نفسي ما اعرف ..

وحاليا حامل . . واولادي معتمدين عليي في الدراسة اعتماد كلي .. ووقت التدريس احسه وقت العصبية توصل فيه قمتها ..

والضرب مساكين اذا اضربهم اضربهم ضرب انتقام .. بأي شي وبكل قوة .. ادري اني اظلمهم بس احس اني تعبت من هالهواش والصيحة .. الا في البيت ..

وما خليت شي الا طبقته .. الجداول بطرق مختلفة سويتها لهم .. ما نفع .. صار لي تقريبا 3 سنوات احاول انظم نومهم واحدد له وقت .. وللحين ما قدرت .. مع اني ما اتساهل ابدا ..

احس ضميري يأنبني دائما واني ام فاشلة

اولادي اعمارهم 6 و 5 و 2 والرابع في الدرب ..